ବାଙ୍ଗିରିପୋଷି (ବଡ଼ ଖବର ବ୍ୟୁରୋ): ମଣିଷ ଚନ୍ଦ୍ରରେ ଜାଗା କିଣିଲାଣି, କିନ୍ତୁ ଏବେବି ଲୋକଙ୍କ ମନରେ ରହିଛି ଅନ୍ଧବିଶ୍ୱାସ । ଏପରି ଏକ ଅଜବ ଖବର ଦେଖିବାକୁ ମିଳିଛି ବାଙ୍ଗିରିପୋଷି ଅଞ୍ଚଳରେ । ଏପରି ଅନ୍ଧ ବିଶ୍ୱାସ କୌଣସି ଅପାଠୁଆ କିମ୍ବା ନିରକ୍ଷର ଲୋକଙ୍କ ପାଖରୁ ଶୁଣିବାକୁ ମିଳିନାହିଁ ,ବରଂ ଜଣେ ରେଞ୍ଜରଙ୍କ ମୁହଁରୁ ଶୁଣିବାକୁ ମିଳିଛି । ରେଞ୍ଜର ଜଣଙ୍କ କହୁଛନ୍ତି ସାପକୁ ଘଉଡାଇବାକୁ କିଛି ପରିଶ୍ରମ କରିବାକୁ ପଢିବ ନାହିଁ । ମହାଦେବ ମନ୍ଦିରର ପାଦୁକ କୁଣ୍ଡରୁ ଟିକେ ପାଦୁକ ପାଣି ଆଣି ଘର ଆଖ ପାଖରେ ଛିଞ୍ଚି ଦିଅନ୍ତୁ,ଯେତେ ବିଷାକ୍ତ ସାପ ହୋଇଥିଲେ ମଧ୍ୟ ପଳେଇବ ।
ଜଣେ ବ୍ୟକ୍ତି ନିଜ ଘର ନିକଟରେ ଏକ ବିଷଧର ସାପ ଦେଖି ବନ ଅଧିକାରୀଙ୍କୁ ଫୋନ କରିଥିଲେ । ତେବେ ତାଙ୍କଠୁ ଏପରି ଉତ୍ତର ମିଳିଛି । ଏହି କଥାର ଅଡିଓ କଲ ବର୍ତ୍ତମାନ ଭାଇରାଲ ହେବାର ଲାଗିଛି । ଯାହାକି ସାଧାରଣ ଜନତାଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି । ସୂଚନା ଅନୁସାରେ, ଜନୈକ ପରିବେଶବିତ ଶ୍ରୀ ତାରା ପ୍ରସାଦ ଦାସ ବାଙ୍ଗିରିପୋଷି ସ୍ଥିତ ତାଙ୍କର ଫାର୍ମ ହାଉସରେ ଏକ ବିଷଧର ସାପ ବାହାରିଥିବା ଦେଖି ବାଙ୍ଗିରିପୋଷି ରେଞ୍ଜର ଶ୍ରୀ ଅଜୟ ଦାସଙ୍କୁ ଫୋନ କରିଥିଲେ । ସାପଟିକୁ ଛାଡି ଦେବା ପାଇଁ ଅନୁରୋଧ କରିଥିଲେ । ତେବେ ରେଞ୍ଜର ଜଣଙ୍କ ତାଙ୍କ କଥାକୁ ଏଡାଇ ମନ୍ଦିରରୁ ପାଦୁକା ପାଣି ଆଣି ଘର ଚାରିପାଖେ ଛିଞ୍ଚିବାକୁ ପରାମର୍ଶ ଦେଇଥିଲେ । ବାରମ୍ବାର ସାପ ଧରିବାକୁ ସେ ଅନୁରୋଧ କରୁଥିଲେ । ମାତ୍ର ବନ ଅଧିକାରୀ ପାଦୁକ ପାଣି ଛିଞ୍ଚିବାକୁ ପରାମର୍ଶ ଦେଇଥିଲେ ।
