ଟ୍ୟାଙ୍କର୍-ପିକଅପ୍ ଧକ୍କା,୬ ଶ୍ରମିକ ମୃତ

ଭୋପାଳ (ବଡ଼ ଖବର ବ୍ୟୁରୋ): ମଧ୍ୟପ୍ରଦେଶର ଧର ଜିଲ୍ଲାରେ ଘଟିଛି ଭୟଙ୍କର ସଡ଼କ ଦୁର୍ଘଟଣା । ଜିଲ୍ଲାର ତିରାଲା ପୋଲିସ ଥାନା ଅନ୍ତର୍ଗତ ଇନ୍ଦୋର-ଅହମ୍ମଦାବାଦ ଜାତୀୟ ରାଜପଥରେ ଥିବା ଚିଖାଲିଆ ଗାଁ ନିକଟରେ ଏହି ଘଟଣା ଘଟିଛି। ଯେଉଁଥିରେ ୬ ଶ୍ରମିକଙ୍କର ମୃତ୍ୟୁ ହୋଇଥିବା ବେଳେ ୨୪ଜଣ ଆହତ ହୋଇଛନ୍ତି । ଆହତମାନଙ୍କ ମଧ୍ୟରୁ ଅନେକ ଗୁରୁତର ଥିବା କୁହାଯାଉଛି । ଗତକାଲି ବିଳମ୍ବିତ ରାତିରେ ଶ୍ରମିକମାନେ ଏକ ପିକଅପରେ କାମଧନ୍ଦା ଅନ୍ୱେଷଣରେ ଯାଉଥିଲେ । କୌଣସି କାରଣରୁ ଗାଡ଼ିଟି ଚିଖାଲିଆ ଗାଁ ନିକଟରେ ଅଟକିଥିଲା । ଏହି ସମୟରେ ପଛରୁ ଆସୁଥିବା ଟ୍ୟାଙ୍କର୍ ପିକଅପକୁ ଧକ୍କା ଦେଇଥିଲା ।