ହ୍ୱାଇଟ ହାଉସକୁ ଫେରିଲେ ଟ୍ରମ୍ପ୍ , ଆସୁ ଆସୁ ଖୋଲିଦେଲେ ମାସ୍କ

(ବଡ଼ ଖବର ବ୍ୟୁରୋ): ହ୍ୱାଇଟ ହାଉସକୁ ଫେରିଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ । କୋଭିଡ଼ି ଆକ୍ରାନ୍ତ ହେବା ପରେ ସେ ୱାଲଟର ରିଡ୍ ହସ୍ପିଟାଲରେ ଚିକିତ୍ସିତ ହେଉଥିଲେ । ଚାରିଦିନର ଜରୁରୀ ଚିକିତ୍ସା ପରେ ଗତକାଲି ତାଙ୍କୁ ଡିସଚାର୍ଜ କରାଯାଇଛି । ହସ୍ପିଟାଲରୁ ହ୍ୱାଇଟ ହାଉସକୁ ଫେରିବା ପରେ ମୁହଁରୁ ମାସ୍କ ହଟାଇ ଦେଇଥିଲେ ଟ୍ରମ୍ପ୍ । ଏହା ସହିତ କରୋନାକୁ ନେଇ ଭୟଭୀତ ନହେବା ପାଇଁ ଦେଶବାସୀଙ୍କୁ ସେ ଅପିଲ କରିଛନ୍ତି ।
ଗତ ୨ ତାରିଖରେ ଟ୍ରମ୍ପ କରୋନା ପଜେଟିଭ୍ ଚହ୍ନଟ ହୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ଚାରିଦିନର ଜରୁରୀ ଚିକିତ୍ସା ପରେ ସେ ସୁସ୍ଥ ହୋଇଥିଲେ । ତେବେ ହ୍ୱାଇଟ ହାଉସରେ ମଧ୍ୟ ତାଙ୍କର ୨୪ଘଣ୍ଟିଆ ଚିକିତ୍ସା ଜାରୀ ରହିବ ବୋଲି କହିଛନ୍ତି ଟ୍ରମ୍ପଙ୍କୁ ଚିକିତ୍ସା କରୁଥିବା ଡାକ୍ତର ।