‘ତୁରନ୍ତ ଆମ ପିଲାକୁ ଫେରାଅ ନହେଲେ ପରିସ୍ଥିତି ଭୟାଭୟ ହେବ’
ରାୟଗଡ଼ା (ବଡ଼ ଖବର ବ୍ୟୁରୋ): ବିନା କାରଣରେ ନିୟମଗିରର ଦୁଇ ଡଙ୍ଗରିଆ ଯୁବକଙ୍କୁ ଉଠାଇ ଆଣିଲା ପୁଲିସ। ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଲାମ୍ବା ଗ୍ରାମ କୃଷ୍ଣ ଶିକକା ଓ ବାରି ଶିକକାକୁ କଳାହାଣ୍ଡି ଜିଲ୍ଲା ଲାଞ୍ଜିଗଡ ବଜାରରୁ ପୁଲିସ ଉଠାଇ ନେଇଛି। ଏହାକୁ ବିରୋଧ କରି ବିଭିନ୍ନ ଗ୍ରାମବାସୀ ଏକତ୍ରିତ ହୋଇ ଅସ୍ତ୍ରଶସ୍ତ୍ର କଲ୍ୟାଣସିଂହପୁର ଥାନାକୁ ଘେରାଉ କରିଛନ୍ତି । ତୁରନ୍ତ ଆମ ପିଲାକୁ ଫେରାଅ ନହେଲେ ପରିସ୍ଥିତି ଭୟାଭୟ ହେବ ଚେତାବନୀ ଦେଇଛନ୍ତି।
ଘଟଣା ସ୍ଥଳରେ ଉତେଜନା ଲାଗି ରହିଛି। ସ୍ଥିତି ନିୟନ୍ତ୍ରଣ ପାଇଁ ବରିଷ୍ଠ ପୁଲିସ ଅଧିକାରୀଙ୍କ ଫୋର୍ସ ମୃତୟନ। ଅତିରିକ୍ତ ଏସପି ବିଷ୍ଣୁ ପ୍ରସାଦ ପାତ୍ର ସମେତ ଅନ୍ୟ ବରିଷ୍ଠ ପୁଲିସ ଅଧିକାରୀ ଓ ସିଆରପିଏଫ ଯବାନ ମୁତୟନ ହୋଇଛନ୍ତି। ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ପାରସାଲି ଓ ମାଝିଗୁଡା ପଞ୍ଚାୟତ ଓ କଳାହାଣ୍ଡି ଜିଲ୍ଲା ବିଭିନ୍ନ ଗ୍ରାମରୁ ଡ଼ଙ୍ଗରିଆକନ୍ଧ ଏହି ଘେରାଉ କରିଥିବା ସୂଚନା ମିଳିଛି।