ସୋଭନା ମହାନ୍ତି ମହିଳା କମିଶନ ଅଧ୍ୟକ୍ଷା
ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟ ସରକାର ମହିଳା ଓ ଶିଶୁ ସୁରକ୍ଷା କମିଶନଙ୍କ ନାମକୁ ମାରିଲେ ମୋହର । ସୋଭନା ମହାନ୍ତି ହେଲେ ମହିଳା କମିଶନ ଅଧ୍ୟକ୍ଷ । ତାଙ୍କ ସହ ମହିଳା କମିଶନରେ କାର୍ଯ୍ୟ କରିବେ ଚାରି ସଦସ୍ୟ । ପ୍ରତିଭା ଶତପଥୀ, ଉର୍ମିଳା ମହାପାତ୍ର, କଳ୍ପନା ମଲ୍ଲିକ ଏବଂ ମୁକ୍ତା ସାହୁ ହେଲେ ସଦସ୍ୟ । ସେପଟେ ରାଜ୍ୟ ସରକାର ଶିଶୁ ସୁରକ୍ଷା ଆୟୋଗରେ କମିଶନ ଭାବେ ବବିତା ପାତ୍ରଙ୍କୁ ନିଯୁକ୍ତି ଦେଇଛନ୍ତି । ଅଧ୍ୟକ୍ଷଙ୍କ ସହ ଛଅ ସଦସ୍ୟ ସାମିଲ । ସୁକେଶୀ ଓରାମ, କଳ୍ପନା ଲେଙ୍କା, ଚନ୍ଦନା ଦାସ, କସ୍ତୁରୀ ମିଶ୍ର, ମନସ୍ମିତା ଖୁଣ୍ଟିଆ ଏବଂ ସୁଜାତା ନାୟକ ମେମ୍ବର ଭାବରେ କାର୍ଯ୍ୟ କରିବେ ।
ଏନେଇ ରାଜ୍ୟ ସରକାରଙ୍କ ପକ୍ଷରୁ ଆଦେଶ ନାମା ପ୍ରକାଶ ପାଇଛି । ଏମାନଙ୍କୁ ୩ବର୍ଷ ଯାଏଁ ନିଯୁକ୍ତି ଦେଇଛନ୍ତି ସରକାର ।ମହିଳା ଓ ଶିଶୁ କଲ୍ୟାଣ ବିଭାଗ ପକ୍ଷରୁ ନିଦେ୍ର୍ଦଶନାମାରେ ଉଲ୍ଲେଖ ରହିଛି । ଦୀର୍ଘ ଦିନ ହେବ ଏହି ଦୁଇ ଗୁରୁତ୍ୱପୂର୍ଣ୍ଣ ପଦବୀ ଖାଲି ରହିଥିଲା । ଯାହା ପାଇଁ ରାଜ୍ୟରେ ବଢିଚାଲିଥିବା ମହିଳା ଓ ଶିଶୁ ହିଂସା କ୍ଷେତ୍ରରେ କମିଶନ ସ୍ଥାଣୁତା ପଡିଯାଇଥିଲା ।
ଏହାରି ଭିତରେ ରାଜ୍ୟରେ ଅନେକ ଘଟଣା ଘଟିଥିଲେ ମଧ୍ୟ ବର୍ତ୍ତମାନ ସୁଦ୍ଧା ଆକ୍ସନ ଆଖିଦୃଶ୍ୟ ଭଳି ହୋଇ ନାହିଁ । ଅନେକ ମାମଲାରେ ଜାତୀୟ କମିଶନ ବି ହସ୍ତକ୍ଷପ କରିଛନ୍ତି । ଏବେ ଏହି ଦୁଇ କମିଶନରେ ଅଧ୍ୟକ୍ଷ ପଦରେ ରାଜ୍ୟ ସରକାର ନିଯୁକ୍ତି ଦେଇଥିବାରୁ ଆଶା କରାଯାଉଛି ରାଜ୍ୟରେ ଘଟୁଥିବା ଘଟଣାବଳୀ ଉପରେ ଦାୟିତ୍ୱ ନେଇଥିବା ବ୍ୟକ୍ତିବିଶେଷ କାର୍ଯ୍ୟ କରିବେ ।
ମହିଳାଙ୍କୁ ନ୍ୟାୟ ପ୍ରଦାନ ପାଇଁ କାର୍ଯ୍ୟ କରିବି କହିଲେ ସୋଭନା ମହାନ୍ତି । ରାଜ୍ୟ ସରକାର ଏହାକୁ ପ୍ରାଥମିକତା ଦେଉଛନ୍ତି । ବାଲେଶ୍ବର ଘଟଣାରେ କଠୋର ପଦକ୍ଷେପ ନେଇଛନ୍ତି ।ଆଗକୁ ମଧ୍ୟ ମହିଳାଙ୍କୁ ନ୍ୟାୟ ପାଇଁ କଠୋର ପଦକ୍ଷେପ ନିଆଯିବ ।