ଅଭିଯୋଗ ପାଇଁ ୨୨ କିମି ଚାଲି ଚାଲି ଗଲେ ଜିଲ୍ଲାପାଳ ଅଫିସ୍

ବାରିପଦା (ବଡ଼ ଖବର ବ୍ୟୁରୋ): ଜିଲ୍ଲାପାଳଙ୍କୁ ଅଭିଯୋଗ କରିବାକୁ ୨୨ କିମି ବାଟ ଚାଲିଲେ ୧୧୬ ଜଣ ଛାତ୍ର । ମୟୂରଭଞ୍ଜ ବାସିପିଠା ସରକାରୀ ଏସ ଏସ ଡି ଉଚ୍ଚ ବିଦ୍ୟାଳୟରୁ ରାତି ୧୨ଟାରୁ ଚାଲି ଚାଲି ବାରିପଦା ଆସିଲେ ଶତାଧିକ ଛାତ୍ର । ହଷ୍ଟେଲ ରେ ଲାଗି ରହିଥିବା ବ୍ୟାପକ ଅବ୍ୟବସ୍ଥା ବିଷୟରେ ଅଭିଯୋଗ ପାଇଁ ଜିଲ୍ଲାପାଳ ନିକଟକୁ ଆସିଛନ୍ତି । ସୂଚନା ଅନୁସାରେ ଘଟଣା ନେଇ ଜିଲ୍ଲାପାଳଙ୍କୁ ଅଭିଯୋଗ କରିବାକୁ ବିଳମ୍ବିତ ରାତ୍ରିରେ ହଷ୍ଟେଲ ପାଚେରୀ ଡେଇଁ ପାଖା ପାଖି ୨୨ କି.ମି ରାସ୍ତା ଅତିକ୍ରମ କରି ବାରିପଦାରେ ପହଞ୍ଚିଥିଲେ ଆଶ୍ରମସ୍କୁଲର ଶତାଧିକ ଅନ୍ତେବାସୀ । ଜିଲ୍ଲାପାଳଙ୍କୁ ଭେଟିବେ ସମସ୍ୟା ଜଣାଇବେ । ହେଲେ ଜିଲ୍ଲାପାଳ ନଥିବାରୁ ଭିଡ଼ିଓ କଲ ମାଧ୍ୟମରେ ପିଲାମାନଙ୍କୁ ବୁଝା ସୁଝା କରାଯାଇଥିଲା । ଶେଷରେ ଜିଲ୍ଲା ପ୍ରଶାସନ ପକ୍ଷରୁ ଅନ୍ତେବାସୀଙ୍କୁ ବୁଝାଇବା ସହ ନିର୍ଭର ପ୍ରତିଶ୍ରୁତି ଦେଇ ପିଲାଙ୍କୁ ବସ୍ ଯୋଗେ ବିଦ୍ୟାଳୟ ଫେରାଇ ନିଆଯାଇଛି ।