ଦୁର୍ଘଟଣାରେ ବାପା ଓ କୁନି ଝିଅ ମୃତ

ସୁବର୍ଣ୍ଣପୁର (ବଡ଼ ଖବର) : ସୋନପୁର ରାସ୍ତାର ଛପୋପାଲି ଛକରେ ଘଟିଛି ଏକ ଅଭାବନୀୟ ବାଇକ୍ ଦୁର୍ଘଟଣା । ଏହି ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର ହେଇଥିଲେ । ମୃତକ ୨ ଜଣ ହେଲେ ସୋନପୁର ପଟାଭାଡ଼ିର ବାଲଗୋପାଲ ମିଶ୍ର ଏବଂ ତାଙ୍କର ୯ ବର୍ଷିୟ ଝିଅ ଶ୍ରୀମା ପ୍ରିୟଦର୍ଶିନି ।

ବାଇକ୍ ଯୋଗେ ସ୍ତ୍ରୀ ଓ ଝିଅକୁ ନେଇ ଘରକୁ ଫେରୁଥିବା ବେଳେ ସାମ୍ନାରୁ ଆସୁଥିବା ଅନ୍ୟ ଏକ ବାଇକ୍ ସହ ତାଙ୍କର ଧକ୍କା ହୋଇଥିଲା । ବାଲଗୋପାଳଙ୍କ ପତ୍ନୀ ଓ ଅନ୍ୟ ଦୁଇ ବାଇକ୍ ଆରୋହୀ ଗୁରୁତର ଅବସ୍ଥାରେ ସୋନପୁର ଡାକ୍ତରଖାନାରେ ଚିକିତ୍ସିତ ଅଛନ୍ତି । ସୋନପୁର ପୋଲିସ ଶବ ଜବତ କରି ତଦନ୍ତ ଆରମ୍ଭ କରିଛି ।