ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ ହେବନି ଅନଲକ୍ । ବର୍ତ୍ତମାନ ରାଜ୍ୟରେ ସେଭଳି ସ୍ଥିତି ଉପୁଜିନାହିଁ । ଅଗଷ୍ଟ ମାସ ପାଇଁ ଆସନ୍ତାକାଲି ଗାଇଡଲାଇନ ଘୋଷଣା ହେବ । ସେ ନେଇ କମିଟି ନିଷ୍ପତି ନେବେ । କଟକ ଓ ଭୁବନେଶ୍ୱରରେ କରୋନା ସ୍ଥିତି ସ୍ଥିର ରହିଛି ବୋଲି କହିଛନ୍ତି ଡିଏମଇଟି ସିବିକେ ମହାନ୍ତି । ସେପଟେ ଅନଲକ ପ୍ରକ୍ରିୟା ଜାରି ହୋଇଥିଲେ ମଧ୍ୟ ନିର୍ଦ୍ଦିଷ୍ଟ କିଛି ସଂସ୍ଥା ପାଇଁ ଏପର୍ଯ୍ୟନ୍ତ ଅନୁମତି ମିଳିନି । ରେସ୍ତୋରାଁରେ ବସି ଖାଇବାର ଅନୁମତି ନାହିଁ ।
ସେହିପରି ବିବାହ ବ୍ରତଘରରେ ଭୋଜିଭାତ ଅନୁମତି ନଥିବାରୁ ଟେଣ୍ଟ, କ୍ୟାଟରିଂ ଆଦି ବ୍ୟବସାୟୀ ମାନେ ବି ହାତ ବାନ୍ଧି ବସିଛନ୍ତି । ମଲ୍, ସିନେମା ହଲ୍ ଗୁଡ଼ିକ ବି ବନ୍ଦ ରହିଛି । ତିନି ମାସ ହେବ ରୋଜଗାର ହରାଇ ଏହି ସବୁ କ୍ଷେତ୍ରର ଲୋକମାନଙ୍କ ଅବସ୍ଥା ଶୋଚନୀୟ ହୋଇଛି । ଏଭଳି ସମୟରେ ଅନଲକ ନେଇ କି ନିଷ୍ପତ୍ତି ନେବେ ରାଜ୍ୟ ସରକାର ଗାଇଡ୍ ଲାଇନ ଉପରେ ସମସ୍ତଙ୍କ ନଜର ରହିଛି ।
