ସିବିଆଇ ପଞ୍ଝାରେ ଶୁଭ୍ରା

ଭୁବନେଶ୍ୱର(ବଡ଼ ଖବର): ଚିଟଫଣ୍ଡ ତଦନ୍ତନେଇ ଦୀର୍ଘଦିନର ଶିଥିଳତାପରେ ଆକ୍ସନ ମୋଡରେ ସିବିଆଇ । ଗିରଫହେଲେ ଶୁଭ୍ରା କୁଣ୍ଡୁ । ରୋଜ ଭ୍ୟାଲି ଗ୍ରୁପ୍ ମୁଖ୍ୟ ଗୌତମ କୁଣ୍ଡୁଙ୍କ ପତ୍ନୀ ଶୁଭ୍ରା କୁଣ୍ଡଙ୍କୁ ଗିରଫ କଲା ସିବିଆଇ । ୧୨ହଜାର କୋଟି ଟଙ୍କାର ଠକେଇ ନେଇ ଚାଲିଥିଲା ତଦନ୍ତ । ଶେଷରେ କୋଲକାତାରୁ ବନ୍ଧାହେଲେ ଶୁଭ୍ରା। ଆସନ୍ତାକାଲି ଶୁଭ୍ରାଙ୍କୁ ଭୁବନେଶ୍ୱର ଆଣିବ ସିବିଆଇ । ୨୦୧୫ରେ ଗୌତମ କୁଣ୍ଡୁଙ୍କୁ ସିବିଆଇ ଗିରଫ କରିଥିବାବେଳେ ୨୦୧୯ ନଭେମ୍ବର ୨୯ରେ ଶୁଭ୍ରାଙ୍କୁ ଇଡି ଲୁକ୍ ଆଉଟ୍ ନୋଟିସ୍ ଜାରି କରିଥିଲା ।