ଧାରଣାରେ ତାଳଚେର ବିଧାୟକ ପ୍ରାର୍ଥୀ

ତାଳଚେର (ବଡ଼ ଖବର ବ୍ୟୁରୋ): ତାଳଚେର ନିର୍ବାଚନମଣ୍ଡଳିର ବୁଥ ନଂ-୯୪,୯୬,୯୭ ରେ ମତଦାନ ସରିବା ପରେ ବିନା ୧୭ସି ଫର୍ମରେ ଇଭିଏମ ସିଲ କରାଯାଇଥିଲା ।ଯାହାକୁ ନେଇ ବିଜେପି ବିଧାୟକ ପ୍ରାର୍ଥୀ କାଳନ୍ଦୀ ସାମଲ ତୁରନ୍ତ ନିର୍ବାଚନ ରିଟର୍ଣ୍ଣିଂ ଅଫିସର ଉପଜିଲ୍ଲାପାଳ ମନୋଜ ତ୍ରିପାଠୀଙ୍କୁ ଜଣାଇଥିଲେ ।

ରିଟର୍ଣ୍ଣିଂ ଅଫିସର ତାଙ୍କ କଥାକୁ ଗୁରୁତ୍ୱ ଦେଇନଥିଲେ ବରଂ ଶ୍ରୀ ସମାଲଙ୍କୁ ରିଟର୍ଣ୍ଣିଂ ଅଫିସର ଧମକ ଦେଇଥିଲେ । ଯାହାଫଳରେ ଶ୍ରୀସାମଲ ନିଜ କର୍ମୀମାନଙ୍କୁ ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିଲେ । ଶେଷରେ ରିଟର୍ଣ୍ଣିଂ ଅଫିସର ଆସି ଧାରଣା ସ୍ଥଳରେ ଆଶୁ ସମାଧାନ ଜରିଆରେ ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରି ନିୟମ ଅନୁଯାୟୀ ଶୃଙ୍ଖଳିତ ଭାବେ ସମସ୍ତ କାର୍ଯ୍ୟ କରାଯିବ ବୋଲି କହିଛନ୍ତି ।