ମୋଦି–ମମତାଙ୍କୁ ଚିଠି ଲେଖି ଚର୍ଚ୍ଚାରେ ବଙ୍ଗଳା ଅଭିନେତା
କୋଲକାତା(ବଡ଼ ଖବର ବ୍ୟୁରୋ): ବଙ୍ଗଳା ଅଭିନେତା ପ୍ରସନ୍ନଜିତ ଚାଟାର୍ଜୀ ପୁଣିଥରେ ଲାଇମଲାଇଟକୁ ଆସିଛନ୍ତି । ଏଥର ନିଜର ଅଭିନୟକୁ ନେଇ ନୁହେଁ ବରଂ ପ୍ରଧାନମନ୍ତ୍ରୀ ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଚିଠି ଲେଖି ଚର୍ଚ୍ଚାରେ ରହିଛନ୍ତି । ତେବେ ନଭେମ୍ବର ୩ ତାରିଖରେ ସ୍ୱିଗିରେ ଖାଦ୍ୟ ଅର୍ଡର କରିଥିଲେ । କିଛି ସମୟରେ ଖାଦ୍ୟ ଡେଲିଭର କରି ଦିଆଯାଉଥିବା ସୂଚନା ଆସିଥିଲା । କିନ୍ତୁ ତାଙ୍କ ପାଖରେ ଖାଦ୍ୟ ପହଞ୍ଚି ନଥିଲା । ଏନେଇ ସେ ସ୍ୱିଗିରେ ଅଭିଯୋଗ କରିଥିଲେ ।
Related Posts
ଏହା ପରେ ସ୍ୱିଗି ପ୍ରିପେଡ ଯୋଗେ ପାଇଥିôବା ଅର୍ଥ ତାଙ୍କୁ ଫେରାଇ ଦେଇଥିଲା । ତାଙ୍କ ଭଳି ଅନ୍ୟମାନେ ବି ଏଭଳି ସମସ୍ୟାର ସମ୍ମୁଖୀନ ହୋଇପାରନ୍ତି । ତେଣୁ ସେ ଏହି ପ୍ରସଙ୍ଗକୁ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଦୃଷ୍ଟିଆକର୍ଷଣ କରିବାକୁ ଚାହିଁଛନ୍ତି ବୋଲି ପ୍ରସନ୍ନଜିତ ଲେଖିଛନ୍ତି । ଏ ଖବର ସାମ୍ନାକୁ ଆସିବା ପରେ ବର୍ତ୍ତମାନ ଏହା ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।
