ରାଜଧାନୀରୁ ଠାବ ହେଲା ମୃତ ଦେହ
ଭୁବନେଶ୍ବର(ବଡ଼ ଖବର ବ୍ୟୁରୋ): ରାଜଧାନୀରୁ ଠାବ ହେଲା ମୃତ ଦେହ । ମୃତକ ଜଣକ ହେଲେ କଟକର ଅଭିଷେକ ନାୟକ । ଅଭିଷେକ ୨ଦିନ ହେଲା କଟକରୁ ନିଖୋଜ ଥିଲେ । ଭୁବନେଶ୍ୱର ଚନ୍ଦ୍ରଶେଖରପୁର ଅଞ୍ଚଳର ଏକ ହୋଟେଲରୁ ତାଙ୍କ ମୃତ ଦେହ ଠାବ ହୋଇଛି । ମୃତ୍ୟୁର କାରଣ ଅସ୍ପଷ୍ଟ ରହିଛି । ପୋଲିସ ତଦନ୍ତ ଜାରି ରଖିଛି କିନ୍ତୁ କୌଣସି ସୂଚନା ମିଳିପାରିନାହିଁ ।
ସୂଚନା ଅନୁସାରେ, ଭୁବନେଶ୍ବର ଚନ୍ଦ୍ରଶେଖରପୁର ଥାନା ଶୈଳଶ୍ରୀ ବିହାର ଅଞ୍ଚଳରୁ ଯୁବକଙ୍କ ମୃତଦେହ ଜବତ କରିଛି ପୋଲିସ । ଗତ ଦୁଇ ଦିନ ତଳେ ଅଭିଷେକ କଟକରୁ ନିଖୋଜ ହୋଇଯାଇଥିଲେ । ତେବେ ମଙ୍ଗଳବାର ଦିନ ତାଙ୍କ ମୃତଦେହ ଜବତ କରାଯାଇଛି । ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ପୋଲିସ ତଦନ୍ତ ଜାରି ରଖିଛି । ମଙ୍ଗଳବାର ଦିନ ହୋଟେଲ କବାଟ ବାଡେଇଥିଲେ ମଧ୍ୟ ସେ ନଖୋଲିବାରୁ ହୋଟେଲ ମ୍ୟାନେଜର ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ରୁମ ଭିତରେ ପଶିବା ବେଳକୁ ଅଭିଷେକଙ୍କ ମୃତଦେହ ମିଳିଥିଲା । ସେ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରିଛି ନା ଅନ୍ୟ କୌଣସି କାରଣ ପାଇଁ ତାଙ୍କର ମୃତ୍ୟୁ ହୋଇଛି ତାହା ଜଣାପଡିନାହିଁ । ପୋଲିସ ମୃତଦେହ ଜବତ କରି କ୍ୟାପିଟାଲ ହସ୍ପିଟାଲକୁ ବ୍ୟବଚ୍ଛେଦ ପାଇଁ ପଠାଇଛି । ଘଟଣାସ୍ଥଳରେ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛି ।