Before Header

ପିପିଲି ଫାଇଟ ପାଇଁ ଇଭିଏମ ଟ୍ରେନିଂ

0 40

ପିପଲି (ବଡ଼ ଖବର ବ୍ୟୁରୋ): ପିପିଲିରେ ଆରମ୍ଭ ହେଲା ଇଭିଏମ ପ୍ରଶିକ୍ଷଣ । ଉପନିର୍ବାଚନ ପାଇଁ ସଜେଇ ହେଲାଣି ପିପିଲି। ପାଖେଇ ଆସିଲା ପିପିଲିର ଉପନିର୍ବାଚନ । ଏପ୍ରିଲ ୧୭ ରେ ହେବାକୁ ଥିବା ଏହି ଉପନିର୍ଵାଚନରେ ପ୍ରଶାସନଙ୍କ ଠାରୁ ଆରମ୍ଭ କରି ରାଜନେତାଙ୍କ ପର୍ଯ୍ୟନ୍ତ ସମସ୍ତେ ହେଲେଣି ତତ୍ପର । ଇଲେକ୍ସନ କମିଶନଙ୍କ ବିଜ୍ଞପ୍ତି ପ୍ରକାଶ ପାଇବା ପରେ ଆଜି ପିପିଲି ପଞ୍ଚାୟତ କାର୍ଯ୍ୟାଳୟରେ ବିଡିଓ ରଶ୍ମିତା ନାଥଙ୍କ ତତ୍ତ୍ଵାବଧାନରେ ଇଭିଏମ ପରିଚାଳନା ପ୍ରଶିକ୍ଷଣ କାର୍ଯ୍ୟକ୍ରମ ପିପିଲି ବ୍ଲକର ସମସ୍ତ କର୍ମଚାରୀଙ୍କୁ ନେଇ ଏକ ପ୍ରଶିକ୍ଷଣ ଦିଆଯାଇଛି ।

ଭୋଟରଙ୍କ ମତଦାନ କିଭଳି ରହିବ ଏବଂ ନୂତନ ଇଭିଏମ ମେସିନର କିପରି ବ୍ୟବହାର କରାଯିବ ତାହା ବିଷୟରେ ବ୍ଲକରେ କାର୍ଯ୍ୟରତ ସମସ୍ତ କର୍ମଚାରୀଙ୍କୁ ପ୍ରଶିକ୍ଷଣ ଦିଆଯାଉଛି । ଅନ୍ୟପଟେ ପ୍ରକାଶ ପାଇଥିବା ବିଜ୍ଞପ୍ତି ଅନୁସାରେ ମାର୍ଚ୍ଚ ୩୦ ତାରିଖ ସୁଦ୍ଧା ପ୍ରାର୍ଥିପତ୍ର ଦାଖଲର କରିବା ପାଇଁ ଦିନ ଧାର୍ଯ୍ୟ ହୋଇଛି । ୩୧ ତାରିଖରେ ପ୍ରାର୍ଥିପତ୍ରର ଯାଂଚ କରାଯାଇ ଚୁଡାନ୍ତ ପ୍ରାର୍ଥୀ ତାଲିକା ଘୋଷଣା କରାଯିବ ।

ଅନ୍ୟ ପଟେ ଏପ୍ରିଲ ୩ ତାରିଖକୁ ପ୍ରର୍ଥିପତ୍ର ପ୍ରତ୍ୟାହାରର ଶେଷ ଦିନ ବୋଲି ନିର୍ବାଚନ ଅଧିକାରୀ କହିଛନ୍ତି ।ଏପ୍ରିଲ ୧୭ ତାରିଖରେ ଭୋଟ ଗ୍ରହଣ କରାଯିବ । ସକାଳ ୭ଟାରୁ ସଂନ୍ଧ୍ୟା ୬ଟା ପର୍ଯ୍ୟନ୍ତ ଭୋଟ ଗ୍ରହଣ କରାଯିବ । ମେ ୨ରେ ଫଳାଫଳ ଘୋଷଣା କରାଯିବ ।

Leave A Reply

Your email address will not be published.