ଭୁବନେଶ୍ୱର (ବଡ଼ ଖବର ବ୍ୟୁରୋ): ଏସିଏଫ ସୌମ୍ୟରଞ୍ଜନ ମୃତ୍ୟୁ ଘଟଣାରେ ଆସିଛି ଚାଞ୍ଚଲ୍ୟ କର ତଥ୍ୟ । ତଦନ୍ତ ପରିସରକୁ ଆସିପାରନ୍ତି ଜିଲ୍ଲାପାଳ । ଡିଏଫଓଙ୍କ ଜଗୁଆଳିଙ୍କ ବୟାନ ଅନୁସାରେ ଘଟଣା ଦିନ ରାତିରେ ସେଠାରେ ଉପସ୍ଥିତ ଥିଲେ ଜିଲ୍ଲାପାଳ । ଏହି ତଥ୍ୟ ସାମ୍ନାନାକୁ ଆସିବା ପରେ ଘଟଣା ରୋଚକ ମୋଡ ନେଇଛି ।
ସେପଟେ ଆବଶ୍ୟକ ହେଲେ ଜିଲ୍ଲାପାଳଙ୍କୁ ତଦନ୍ତ ପରିସର ଭୁକ୍ତ କରାଯିବ ବୋଲି ସ୍ପଷ୍ଟ କରିଛି କ୍ରାଇମବ୍ରାଞ୍ଚ । ଜିଲ୍ଲାପାଳଙ୍କ ଉପସ୍ଥିତିକୁ ନେଇ ଚାଞ୍ଚଲ୍ୟକର ବୟାନ ଆସିବାର ଇତି ମଧ୍ୟରେ ଦୀର୍ଘ ସମୟ ବିତି ସାରିଥିଲେ ମଧ୍ୟ ଜିଲ୍ଲାପାଳ ଏଯାଏଁ ମୁହଁ ନଖୋଲିବା ଘଟଣାକୁ ଆହୁରି ରହସ୍ୟାବୃତ କରିଛି । କ୍ରାଇମବ୍ରାଞ୍ଚର ମାରାଥନ ଜେରାବେଳେ ଜିଲ୍ଲାପାଳଙ୍କ ଉପସ୍ଥିତି ନେଇ ଚାଞ୍ଚଲ୍ୟକର ବୟାନ ଦେଇଛନ୍ତି ଡିଏଫଓଙ୍କ ଜଗୁଆଳି ।
