୩୯ ମୁଣ୍ଡ ନେଲା ମହାମାରୀ
ଭୁବନେଶ୍ୱର (ବଡ଼ ଖବର ବ୍ୟୁରୋ): ୨୪ ଘଣ୍ଟାରେ ୩୪୦୮ ନୂଆ ଆକ୍ରାନ୍ତ ଚିହ୍ନଟ ହୋଇଛି । ସଙ୍ଗରୋଧରୁ ୧୯୪୩ ଜଣ ଥିବା ବେଳେ ସ୍ଥାନୀୟ ସଂକ୍ରମିତ ୧୪୬୫ଜଣ । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୫୮୨ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାଜପୁରରୁ ୨୫୮ ଜଣ, ପୁରୀରୁ ୨୧୫ ଜଣ, ଅନୁଗୁଳରୁ ୯୩, ବାଲେଶ୍ୱରରୁ ୨୫୧, ମୟୂରଭଞ୍ଜରୁ ୧୫୮ କରୋନା ପଜିଟିଭ ଚିହ୍ନଟ ହୋଇଛନ୍ତି। ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୯ ଲକ୍ଷ ୪୭୦ରହିଛି । ସେଥିରୁ ସୁସ୍ଥ ହୋଇଚନ୍ତି ୮ ଲକ୍ଷ ୩ ହଜାର ୮୨୪ଜଣ ।
ଏବେବି କରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି ୩୨ ହଜାର ୭୦୬ଜଣ । ସେପଟେ ଗୋଟିଏ ଦିନରେ ୩୯ ଜଣଙ୍କ ମୁଣ୍ଡ ନେଇଛି କରୋନା । ୬୮ ହଜାର ୩୩୫ ନମୁନା ପରୀକ୍ଷା ହୋଇଥିବା ବେଳେ ପଜିଟିଭ ହାର ୪ ଦଶମିକ ୯୮ ପ୍ରତିଶତ ରହିଛି। ଜୁନ ମାସର ୨୭ ଦିନରେ ୧ ଲକ୍ଷ ୩୫ ହଜାର ୪୪୬ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୧୩୩ ଜଣଙ୍କ ମୃତ୍ୟୁ ହୋଇଛି ।