କାନପୁରରେ ଚିହ୍ନଟ ହେଲେ ପ୍ରଥମ ଜିକା ରୋଗୀ
କାନପୁର(ବଡ଼ ଖବର ବ୍ୟୁରୋ):ଉତ୍ତରପ୍ରଦେଶର କାନପୁର ଠାରେ ପ୍ରଥମ ଜିକା ରୋଗୀ ଚିହ୍ନଟ ହୋଇଛନ୍ତି । ଏ ଖବର ସାମ୍ନାକୁ ଆସିବା ପରେ ସାରା ଦେଶରେ ଭୟର ବାତାବରଣ ଖେଳିଯାଇଛି । ସେପଟେ ଦିଲ୍ଲୀରୁ ବିଶେଷଜ୍ଞ ଟିମ କାନପୁର ପହଞ୍ଚି ରୋଗୀ ସଂସ୍ପର୍ଶରେ ଆସିଥିବା ଲୋକଙ୍କ ସାମ୍ପଲ କଲେକ୍ସନ କରିଛନ୍ତି । ଏହା ପରେ ସମସ୍ତ ସାମ୍ପଲକୁ ଟେଷ୍ଟ ପାଇଁ ପଠାଇ ଦିଆଯାଇଛି ।
ଅନ୍ୟପଟେ ଗତ କିଛି ଦିନ ଧରି ସମ୍ପୃକ୍ତ ବ୍ୟକ୍ତି ଜଣଙ୍କ ଜ୍ୱରରେ ପୀଡ଼ିତ ଥିଲେ । ତେବେ ଭାଇରସର ପ୍ରସାର ହୋଇଛି କି ନାହିଁ ତାହା ଜାଣିବା ପାଇଁ ୧୦ଟି ଟିମ ଗଠନ କରାଯାଇଥିବାର ସୂଚନା ମିଳିଛି । ସମ୍ପୃକ୍ତ ବ୍ୟକ୍ତି ଜଣଙ୍କ ବାୟୁସେନା ଷ୍ଟେସନର କର୍ମଚାରୀ । ତାଙ୍କୁ ଏୟାରଫୋର୍ସ ହସ୍ପିଟାଲେରେ ଭର୍ତ୍ତି କରାଯାଇଛି ।