ଶୁଣିଲେନି ସରକାର, ସରପଞ୍ଚ ଖୋଲିଲେ ଅଙ୍ଗନୱାଡି

ନୂଆପଡ଼ା (ବଡ଼ ଖବର ବ୍ୟୁରୋ): ସରକାର ଶୁଣିଲେନି । ସରପଞ୍ଚ ନିଜେ ଖୋଲିଲେ ଅଙ୍ଗନୱାଡି କେନ୍ଦ୍ର । ଅଙ୍ଗନୱାଡି ଟିଏ ଖୋଲିବା ପାଇଁ ସରକାରଙ୍କ ପାଖରେ ଦାବି କରି କରି ହତାଶ ହେଲା ପରେ ସରପଞ୍ଚ ନୂଆପଡା ଜିଲ୍ଲା ଭାଳେଶ୍ୱର ସରପଞ୍ଚ ସରୋଜ ଦେବୀ ଅଗ୍ରୱାଲ ନିଜେ ଖୋଲିଛନ୍ତି ଅଙ୍ଗନୱାଡି କେନ୍ଦ୍ର । ଭାଳେଶ୍ୱର ପଞ୍ଚାୟତର ଭୂତକାପଡାରେ ପ୍ରାୟ ୩୦ ଶିଶୁ ଅଛନ୍ତି ।

ସେଠାରେ ଅଙ୍ଗନୱାଡ଼ି କେନ୍ଦ୍ର ଖୋଲିବା ପାଇଁ ସରପଞ୍ଚ ବାରମ୍ବାର ସରକାରଙ୍କ ନିକଟରେ ଦାବି କରି ଆସୁଥିଲେ । ମାତ୍ର ଦାବି ପୂରଣ ହୋଇନଥିଲା । ବନ୍ଦ ହୋଇପଡିଥିବା ଏକ ପୁରୁଣା ସ୍କୁଲ ଘରକୁ ଅଙ୍ଗନୱାଡି କେନ୍ଦ୍ର କରିଛନ୍ତି ସରପଞ୍ଚ । ଏବେ ସରପଞ୍ଚ ନିଜ ଖର୍ଚ୍ଚରେ ଜଣେ ଶିକ୍ଷୟିତ୍ରୀଙ୍କୁ ସେଠାରେ ନିଯୁକ୍ତି ଦେଇଛନ୍ତି ।