ଆଜିଠୁ ମହା ଟିକାକରଣ ଅଭିଯାନ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜିଠୁ ରାଜ୍ୟରେ ମହା ଟିକାକରଣ ଅଭିଯାନ । କ୍ୟାମ୍ପେନ ମୋଡରେ ହେବ ଟିକାକରଣ । ଦିନକୁ ୩ଲକ୍ଷ ଟିକାକରଣ କରାଯିବ । ପଞ୍ଜିକରଣ ନକରି ସିଧାସଳଖ ଟିକାକରଣ କେନ୍ଦ୍ରକୁ ଆସି ଟିକା ନେଇପାରିବେ । ୧୮-୪୪ ବର୍ଗଙ୍କ ପାଇଁ ଟିକା ଯୋଗାଇ ଦିଆଯିବ । ରାଜ୍ୟରେ ୧୮-୪୪ ବର୍ଗର ୩.୦୯ କୋଟି ଲୋକ ଅଛନ୍ତି । ୫୬.୧୮ କୋଟି ଡୋଜ ଟିକା ଆବଶ୍ୟକ ।

ଚଳିତ ବର୍ଷ ଜାନୁଆରୀ ୧୬ରୁ ଆରମ୍ଭ ହୋଇଛି ଟିକାକରଣ ଅଭିଯାନ । ରାଜ୍ୟରେ ୯୬ଲକ୍ଷ ୭୭ହଜାର ୫୯୨ ଡୋଜ ଟିକା ଦିଆସରିଛି । ପ୍ରତ୍ୟେକ ବ୍ଲକ ଓ ଏନ୍ଏସିରେ ୫ଟି ଲେଖାଏଁ ଟିକାକରଣ ଅଧିବେଶନ ଆୟୋଜିତ କରାଯିବ । ମୁନିସପାଲିଟିରେ ୧୦ ଓ ମହାନଗର ନିଗମରେ ୨୦ଟି ଅଧିବେଶନ ଆୟୋଜିତ ହେବ ।