ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କଂଗ୍ରେସର ବିଭିନ୍ନ ନେତାଙ୍କ ସମେତ ଅଫିସିଆଲ ଟ୍ୱିଟର ଆକାଉଣ୍ଟ ଲକ୍ ହୋଇଛି । ତେବେ ଏହାପଛରେ ବିଜେପିର ହାତ ଥିବା କଂଗ୍ରେସ ଅଭିଯୋଗ କରିଛି । ନିଜ ଫେସବୁକ ଓ ଇନଷ୍ଟାଗ୍ରାମରେ ଟ୍ୱିଟର ଆକାଉଣ୍ଟ ଲକ ହେବା ସମ୍ପର୍କରେ କଂଗ୍ରେସ ସୂଚନା ଦେଇଛି । ତେବେ କଂଗ୍ରେସ ଟ୍ୱିଟରର ନିୟମ ଉଲଂଘନ କରୁଥିବା କାରଣରୁ ଟ୍ୱିଟର ଲକ ହୋଇଥିବା ଟ୍ୱିଟର ଦର୍ଶାଇଛି ।
କଂଗ୍ରେସ ଏହି ସ୍କ୍ରିନଶଟ୍କୁ ଶେୟାର କରି ଲେଖିଛି ଯେ “ଆମ ନେତାମାନଙ୍କୁ ଯେତେବେଳେ ଜେଲରେ ଭର୍ତ୍ତି କରି ଦିଆଯାଇଥିଲା ସେତେବେଳେ ଆମେ ଡରି ନଥିଲୁ। ଏପରି ସ୍ଥିତିରେ ଆମ ଟ୍ୱିଟର ଆକାଉଣ୍ଟକୁ ଲକଡ କରିଦେଲେ ଆମେ କାହିଁକି ଡରିବୁ? ଆମେ ସମସ୍ତେ କଂଗ୍ରେସ। ଏହା ଲୋକଙ୍କ ବାର୍ତ୍ତା। ଆମେ ଲଢ଼େଇ କରିବୁ ଓ ଲଢ଼େଇ ଜାରି ରଖିବୁ।”
