ବେଗୁନିଆ (ବଡ଼ ଖବର ବ୍ୟୁରୋ): ବେଗୁନିଆ ଥାନା ଅନ୍ତର୍ଗତ ଗୋଡା ଗ୍ରାମର ଏକ କୂଅରେ ଜଣେ ବୃଦ୍ଧଙ୍କ ମୃତଦେହ ଭାସୁଥିବା ଦେଖିବାକୁ ମିଳିଛି । ମୃତ ବ୍ୟକ୍ତି ଜଣକ ସେହି ଗ୍ରାମର ବାବନ ମାଣିଆ ବୋଲି ଜଣାପଡିଛି । ଘର ଲୋକଙ୍କ କହିବା ଅନୁଯାୟୀ ବୃଦ୍ଧ ମାଣିଆ ଗତକାଲି ରାତିରୁ କାହାକୁ କିଛି ନକହି ଚାଲି ଯାଇଥିବା ବେଳେ ଆଜି ତାଙ୍କ ମୃତଦେହ ଗ୍ରାମର ଏକ କୂଅରେ ଭାସୁଥିବାର ଜଣାପଡିଛି ।
କେଉଁ ପରିସ୍ଥିତିରେ ବୃଦ୍ଧ ଜଣକ କୂଅ ଭିତରେ ପଡ଼ିଲେ ତାର କାରଣ ଅସ୍ପଷ୍ଟ ଥିବା ବେଳେ କୂଅରେ ପାଣି ଭରା ଥିବାରୁ ଅସାବଧାନବଶତ କୂଅ ଭିତରେ ପଡିଯାଇଥିବା ଅନୁମାନ କରାଯାଉଛି । ଘଟଣାସ୍ଥଳରେ ବେଗୁନିଆ ଅଗ୍ନିଶମ ବାହିନୀ ପହଞ୍ଚି ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ନିମନ୍ତେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି ।
