ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ୨୦୨୦ ରେ ଆମେରିକାର ବିଭିନ୍ନ ଶିକ୍ଷାନୁଷ୍ଠାନରେ ବିଦେଶୀ ଛାତ୍ରଙ୍କ ମଧ୍ୟରେ ଭାରତ ଓ ଚୀନର ହାର ଥିଲା ୪୭ ପ୍ରତିଶତ । ମହାମାରୀ କରୋନା ପ୍ରଭାବରେ ବିଦେଶୀ ଛାତ୍ରଛାତ୍ରୀଙ୍କ ନୂତନ ନାମଲେଖା ହ୍ରାସ ପାଇଛି । ଯୁକ୍ତରାଷ୍ଟ୍ରର ଇମିଗ୍ରେସନ୍ ଆଣ୍ଡ କଷ୍ଟମ୍ସ ଏନ୍ଫୋର୍ସମେଣ୍ଟର ଏକ ଅଂଶ ଛାତ୍ର ଏବଂ ବିନିମୟ ପରିଦର୍ଶକ କାର୍ଯ୍ୟକ୍ରମ (SEVP) ଦ୍ୱାରା ପ୍ରକାଶିତ ବାର୍ଷିକ ରିପୋର୍ଟରେ ଦର୍ଶାଯାଇଛି ଯେ ୨୦୨୦ ରେ ୧.୨୫ ନିୟୁତ ବିଦେଶୀ ଛାତ୍ରଛାତ୍ରୀ ଆମେରିକାର ବିଭିନ୍ନ ଅନୁଷ୍ଠାନରେ ପଢୁଥିଲେ । ଆମେରିକାର କଲେଜ କିମ୍ବା ବିଶ୍ୱବିଦ୍ୟାଳୟରେ ପଢୁଥିବା ଅନ୍ତର୍ଜାତୀୟ ଛାତ୍ରମାନଙ୍କୁ F1 ଭିସା ପ୍ରଦାନ କରାଯାଉଥିବାବେଳେ ଧନ୍ଦାମୂଳକ ବିଦ୍ୟାଳୟ ଏବଂ ବୈଷୟିକ ବିଦ୍ୟାଳୟରେ ପାଠପଢୁଥିବା ଆନ୍ତର୍ଜାତୀୟ ଛାତ୍ରମାନଙ୍କ ପାଇଁ M1 ସଂରକ୍ଷିତ ରହିଛି। ବିଦ୍ୟାଳୟଗୁଡ଼ିକରେ ୭୨ ପ୍ରତିଶତ ହ୍ରାସ ଘଟିଛି। ୨୦୧୯ ତୁଳନାରେ ୨୦୨୦ ରେ ନୂତନ ଅନ୍ତର୍ଜାତୀୟ ଛାତ୍ର ନାମଲେଖାରେ ଏହା କୁହାଯାଇଛି।
ରିପୋର୍ଟରେ କୁହାଯାଇଛି ୨୦୨୧ରେ ନୂତନ F1 ଅନ୍ତର୍ଜାତୀୟ ଛାତ୍ର ନାମଲେଖାରେ ୯୧ ପ୍ରତିଶତ ଏବଂ ନୂତନ M1ରେ ୭୨ ପ୍ରତିଶତ ହ୍ରାସ ଘଟିଛି। ୨୦୨୦ରେ ଚାଇନାରୁ ୩୮୨,୫୬୧, ଭାରତରୁ୨୦୭,୪୬୦ ଛାତ୍ରଛାତ୍ରୀ ଆମେରିକାର ବିଭିନ୍ନ ଶିକ୍ଷାନୁଷ୍ଠାନରେ ନାମଲେଖାଇଥିଲେ । ଚୀନ୍ ଏବଂ ଭାରତ ପରେ ଦକ୍ଷିଣକୋରିଆ ୬୮,୨୧୭, ସାଉଦି ଆରବ ୩୮,୦୩୯, କାନାଡା ୩୫,୫୦୮ ଏବଂ ବ୍ରାଜିଲର ୩୪,୮୯୨ ଛାତ୍ରଛାତ୍ରୀ ପଢୁୁଥିଲେ ।
ଯୁକ୍ତରାଷ୍ଟ୍ରର ସମସ୍ତ ଅନ୍ତର୍ଜାତୀୟ ଛାତ୍ରମାନଙ୍କ ମଧ୍ୟରୁ ୭୪ ପ୍ରତିଶତ ଏସିଆକୁ ଘର ବୋଲି ଭାବନ୍ତି । ୨୦୨୦ କ୍ୟାଲେଣ୍ଡର ବର୍ଷରେ F1 ଏବଂ M1 ଅନ୍ତର୍ଜାତୀୟ ଛାତ୍ରମାନଙ୍କ ମଧ୍ୟରୁ ୪୦ପ୍ରତିଶତ (୫୫୨,୧୮୮) ମହିଳା ହୋଇଥିବାବେଳେ ୫୬ ପ୍ରତିଶତ (୬୯୮,୯୬୪) ପୁରୁଷ ଥିଲେ । ଭାରତୀୟ ଛାତ୍ରମାନଙ୍କ ମଧ୍ୟରେ ୩୫ ପ୍ରତିଶତ ମହିଳା ଏବଂ ୬୫ ପ୍ରତିଶତ ପୁରୁଷ। ଚାଇନା ପାଇଁ ଏହି ସଂଖ୍ୟା ୪୭ ପ୍ରତିଶତ ମହିଳା ଏବଂ ୫୩ ପ୍ରତିଶତ ପୁରୁଷ। ୨୦୨୦ରେ ଶ୍ରେଷ୍ଠ ୧୦ ଦେଶ ମଧ୍ୟରୁ ହାରାହାରି ମହିଳା ନାମଲେଖା ୪୪ ପ୍ରତିଶତ (୩୮୬,୮୫୧) ଏବଂ ହାରାହାରି ପୁରୁଷ ନାମଲେଖା ୫୬ ପ୍ରତିଶତ (୪୮୪,୧୦୩) ଥିଲା ।
