ଶିକ୍ଷୟିତ୍ରୀଙ୍କ ଅବହେଳା ଯୋଗୁଁ ଆଙ୍ଗୁଠି ହରାଇଲେ ଛାତ୍ର
ବସ୍ତା (ବଡ଼ ଖବର ବ୍ୟୁରୋ): ଶିକ୍ଷୟିତ୍ରୀଙ୍କ ଅବହେଳା ଯୋଗୁଁ ଆଙ୍ଗୁଠି ହରାଇଲା ତୃତୀୟ ଶ୍ରେଣୀ ଛାତ୍ର । ଏମିତି ଏକ ଅଭାବନୀୟ ଘଟଣା ଘଟିଛି ବାଲେଶ୍ଵର ଜିଲ୍ଲା ବସ୍ତା ବ୍ଲକ ବେଲଗାଁ କାଗଲପଡା ପ୍ରାଥମିକ ବିଦ୍ୟାଳୟରେ । ଗତ ଜାନୁୟାରୀ ମାସ ୨୮ ରେ ଏହି ବିଦ୍ୟାଳୟର ଦୁଇଜଣ ତୃତୀୟ ଶ୍ରେଣୀ ଛାତ୍ର ସ୍କୁଲକୁ ଆସି ପାଠ ପଢୁଥିବା ସମୟରେ ସ୍କୁଲରୁ ବାହାରି ଏକ କଟୁରି ଆଣି ବାଉଁଶ ବାଡ଼ି କାଟିବା ପାଇଁ ଯାଇଥିଲେ । ବାଡ଼ି କାଟୁଟାଟୁ ସତ୍ୟମ ମାଝି ନାମକ ଜଣେ ପିଲାର ବାମ ହାତର ଆଙ୍ଗୁଠି କଟି ଦୁଇଖଣ୍ଡ ହୋଇ ଖସି ପଡିଥିଲା । ତେବେ ପିଲାଟି ଭୟରେ କାହାକୁ କିଛି ନଜଣାଇ ଘରକୁ ପଳାଇ ଆସିଥିଲ । ଏମିତିକି ପରିବାର ଲୋକଙ୍କୁ ମଧ୍ୟ ଭୟରେ ଜଣାଇ ନଥିଲ । ପରିବାର ଲୋକେ ଜାଣିବା ପରେ ପ୍ରାଥମିକ ଚିକିତ୍ସା କରାଇ ସ୍କୁଲର ଶିକ୍ଷୟତ୍ରୀଙ୍କୁ ଜଣାଇଥିଲେ ।
ଶିକ୍ଷୟତ୍ରୀ କୈାଣସି କଥା ନ ବୁଝିବାରୁ ସିଆରସିସି ଏବଂ ବିଇଓଙ୍କୁ ଜଣାଇଥିଲେ । ତେବେ ସିଆରସିସି ପିଲାର ପରିବାର ଲୋକଙ୍କୁ ଭେଟି ମାତ୍ର ୫ ଶହ ଟଙ୍କା କ୍ଷତିପୂରଣ ଦେଉଥିଲେ କିନ୍ତୁ ପରିବାର ଲୋକେ ଏହି ଅର୍ଥ ନେଇ ନାହାନ୍ତ । ତେବେ ଆଙ୍ଗୁଠିଟି ସମ୍ପୁର୍ଣ ଦୁଇଖଣ୍ଡ ହୋଇ ଯାଇଥିବା ବେଳେ ଏହାର ଅସ୍ତ୍ରୋପଚାର କରିବାର ଆବଶ୍ୟକତା ରହିଛି କିନ୍ତୁ ଏଦିଗରେ କୈାଣସି ପଦକ୍ଷେପ ନନେଇ ଚୁପ୍ ବସିଛନ୍ତି ଶିକ୍ଷକ । ଶିକ୍ଷାଧିକାରୀ ଏବଂ ସ୍କୁଲ ମେନେଜିଂ କମିଟି । ପିଲାର ସ୍ବାସ୍ଥ୍ୟାବସ୍ଥା ଧିରେ ଧିରେ ଖରାପ ହେଉଥିବାରୁ ତାର ଚିକିତ୍ସା କରାଇବା ସହିତ କ୍ଷତିପୂରଣ ଦାବି କରିଛନ୍ତି ପରିବାର ଲୋକେ । ତେବେ ଏନେଇ ଶିକ୍ଷୟତ୍ରୀଙ୍କୁ ପଚାରିବାରୁ ଏତେ ପିଲାଙ୍କ ଦାୟିତ୍ଵ ନେବା ମୋ ପାଇଁ ମୋ ପକ୍ଷରେ ସମ୍ଭବ ନୁହେଁ ବୋଲି କହିଛନ୍ତି ।
