ୟୁପି ସରକାରଙ୍କ ଉପରେ ସୁପ୍ରିମକୋର୍ଟ ଖପ୍ପା
ଲଖିମପୁର(ବଡ଼ ଖବର ବ୍ୟୁରୋ): ୟୁପି ସରକାରଙ୍କ ଉପରେ ସୁପ୍ରିମକୋର୍ଟ ଖପ୍ପା । ଲଖିମପୁର ଖେରି ହିଂସାରେ କୋର୍ଟଙ୍କ ଶୁଣାଣି । ରାଜ୍ୟ ସରକାରଙ୍କ ପଦକ୍ଷେପ ଯଥେଷ୍ଟ ନୁହେଁ । ସିବିଆଇ ୟୁପି ହିଂସାର ସମାଧାନ ନୁହେଁ । ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ କାହିଁକି ଗିରଫ କରାଯାଇନି । ପୋଲିସର କାର୍ଯ୍ୟଶୈଳୀ ଉପରେ ପ୍ରଶ୍ନ କରିଛନ୍ତି ସର୍ବୋଚ୍ଚ ନ୍ୟାୟାଳୟ । ସେପଟେ ପୁଲିସ ଏହି ଘଟଣାରେ ଦୁଇ ଜଣକୁ ଗିରଫ କରିଛି । କିନ୍ତୁ ମନ୍ତ୍ରୀଙ୍କ ପୁଅ ଆଶିଷ ମିଶ୍ରାଙ୍କୁ ସମନ ପଠାଇବାକୁ ନେଇ ମଧ୍ୟ ସୁପ୍ରିମକୋର୍ଟ ଆପତ୍ତି ଉଠାଇଛନ୍ତି । ଯେଉଁ ପ୍ରକାର ଅନ୍ୟ ଲୋକଙ୍କୁ ପୁଲିସ ବ୍ୟବହାର କରୁଛି, ଠିକ ସେହିଭଳି ଏହି ମାମଲାର ଅଭିଯୁକ୍ତ ଥିବା ବ୍ୟକ୍ତିଙ୍କୁ ମଧ୍ୟ ବ୍ୟବହାର କରାଯିବା ଉଚିତ ବୋଲି ସୁପ୍ରିମକୋର୍ଟ କହିଛନ୍ତି । କିନ୍ତୁ ସମନ ପରେ ମଧ୍ୟ କ୍ରାଇମବ୍ରାଞ୍ଚ ନିକଟରେ ହାଜର ହୋଇ ନାହାଁନ୍ତି ମୁଖ୍ୟ ଅଭିଯୁକ୍ତ ଆଶିଷ ମିଶ୍ର । ତେବେ ତାଙ୍କର କୌଣସି ଏଯାଏଁ ପତ୍ତା ମଧ୍ୟ ମିଳୁନି ।
ଗିରଫ ଭୟରେ ମନ୍ତ୍ରୀଙ୍କ ପୁଅ ନେପାଳ ଫେରାର ହୋଇ ଯାଇଛନ୍ତି ବୋଲି ଅନୁମାନ କରାଯାଉଛି । ଚାଷୀଙ୍କ ଉପରେ ଗାଡ଼ି ମଡ଼ାଇ ହତ୍ୟା ଘଟଣାରେ ପୁଲିସ ଆଶିଷଙ୍କୁ ଦିନ ୧୦ ଟା ବେଳେ ହାଜର ହେବା ପାଇଁ ସମନ କରିଥିଲେ । ହେଲେ ମନ୍ତ୍ରୀଙ୍କ ପୁଅ ହାଜର ହେବା ପରିବର୍ତ୍ତେ ନେପାଳ ଫେରାର ହୋଇଯାଇଥିବାର କଥା ସାମ୍ନାକୁ ଆସିଛି । ଏନେଇ ପୁଲିସ ତାଙ୍କ ଫୋନକୁ ଟ୍ୟାପ କରୁଥିବାର ସୂଚନା ମିଳିଛି । ସେପଟେ କିଛିଦିନ ପୂର୍ବରୁ ତାଙ୍କ ଫୋନର ଲୋକେସନ ଉତ୍ତରପ୍ରଦେଶ-ନେପାଳ ସୀମା ଗୌରୀପାଟନାରେ ଠାବ କରାଯାଇଥିଲା । ସେବେଠାରୁ ତାଙ୍କର କୌଣସି ପର୍ତ୍ତା ପୁଲିସ ପାଇପାରୁ ନାହିଁ । ଏପରିକି ତାଙ୍କ ଫୋନର ଲୋକେସନ ବାରମ୍ବାର ବଦଳୁଥିବାର ଦେଖିବାକୁ ମିଳିଛି ।