![](https://i0.wp.com/badakhabar.in/wp-content/uploads/2024/07/Truck.jpg?fit=1920%2C1080&ssl=1)
ବସ୍ତା (ବଡ଼ ଖବର ବ୍ୟୁରୋ): ଓଡିଶାକୁ ଆଳୁ ଦେବାକୁ ବାରଣ କରିଛନ୍ତି ପଶ୍ଚିମବଙ୍ଗ ସରକାର । ଆଳୁ ଟ୍ରକକୁ ସୀମା ପାରି ହୋଇ ଓଡିଶା ଆସିବାକୁ ଦେଉନି ପଶ୍ଚିମବଙ୍ଗ ପୋଲିସ । ଯେଉଁ ଆଳୁ ବୋଝେଇ ଟ୍ରକ ଓଡ଼ିଶା ଭିତରକୁ ଆସିବାର ଥିଲା ଓଡ଼ିଶା-ପଶ୍ଚିମବଙ୍ଗ ସୀମା ସୋନାକନିଆରୁ ଗାଡ଼ି ଫେରାଉଛି ପଶ୍ଚିମ ବଙ୍ଗ ପୋଲିସ ।
ଯେମିତି ଆଳୁ ଟ୍ରକ ଓଡ଼ିଶା ମଧ୍ୟକୁ ପ୍ରବେଶ ନକରେ ସେଥି ପାଇଁ କଡ଼ାକଡ଼ି ଯାଞ୍ଚ କରୁଛି ପଶ୍ଚିମବଙ୍ଗ ପ୍ରଶାସନ। ସେପଟେ ଓଡ଼ିଶା ବଜାରରେ ଆଳୁର ଅଭାବ ଦେଖା ଦେଇଥିବା ବେଳେ ହୁ ହୁ ହୋଇ ବଢୁଛି ଦର । ଓଡ଼ିଶାର ଗୋଦାମ ମାଲିକଙ୍କ ଗାଡି ମଧ୍ୟ ଫସି ରହିଛି ପଶ୍ଚିମବଙ୍ଗରେ।