ପଥର ଛେଚି ବଡ଼ ଭାଇକୁ ହତ୍ୟା କଲା ସାନଭାଇ
ଆଠଗଡ଼ (ବଡ଼ ଖବର ବ୍ୟୁରୋ): ପଥରରେ ଛେଚି ବଡ଼ଭାଇ କୁ ହତ୍ୟା କଲା ସାନ ଭାଇ। ଏଭଳି ଅଭାବନୀୟ ଘଟଣଶ ଘଟିଛି ଆଠଗଡ଼ ଝରଣଛକ ସ୍ଥିତ ସରସ୍ବତୀ ଶିଶୁ ମନ୍ଦିର ନିକଟରେ । ସାନ ଭାଇ ପଥର ଛେଚି ବଡ଼ଭାଇକୁ ହତ୍ୟା କରିଥିବା ଜଣାପଡିଛି। ମୃତକ ହେଲେ ଜଗନ୍ନାଥ ପ୍ରଧାନ । ଜଗନ୍ନାଥ ଝରଣ ଛକ ସ୍ଥିତ ସରସ୍ଵତୀ ଶିଶୁ ମନ୍ଦିର ନିକଟରେ ଥିବା ଏକ ଗଛମୂଳରେ ଶେଇଥିବାବେଳେ ତାଙ୍କ ସାନ ଭାଇ ଟୁକୁନା ପ୍ରଧାନ ଏକ ପଥର ଆଣି ଛାତି ଉପରକୁ କଚି ଦେଇ ସେଠାରୁ ପଳାଇ ଯାଇଥିଲେ ।
ଫଳରେ ବଡ଼ଭାଇ ହଠାତ୍ ଉଠିପଡ଼ି ପୁଣି ତଳେ ଖସି ପଡ଼ିଥିଲେ । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା। ସ୍ଥାନୀୟ ଲୋକେ ଜଗନ୍ନାଥ ପଡ଼ିଥିବାର ଦେଖି ପୋଲିସକୁ ଖବର ଦେଇଥିଲେ ।ଘଟଣା ସ୍ଥଳରେ ଆଠଗଡ଼ ପୁଲିସ ପହଞ୍ଚି ଶବକୁ ଜବତ କରି ଆଠଗଡ଼ ଉପଖଣ୍ଡ ଡ଼ାକ୍ତରଖାନାକୁ ଶବ ବ୍ୟବଚ୍ଛେଦ ପାଇଁ ପଠାଇଥିଲେ । ଟୁକୁନାକୁ ଗିରଫ କରି ତଦନ୍ତ ଜାରି ରଖିଛି ପୋଲିସ ।