ମୁମ୍ବାଇ (ବଡ଼ ଖବର ବ୍ୟୁରୋ): ତାଜ୍ ହୋଟେଲକୁ ବିସ୍ଫୋରଣରେ ଉଡ଼ାଇ ଦେବୁ । ପୋଲିିସ ପାଖକୁ ଆସିଲା କଲ୍ । ଏପରି ଏକ ଧମକ ଆସିବା ପରେ ଖୋଳତାଡ଼ ଆରମ୍ଭ କରିଦେଇଥିଲା ମୁମ୍ବାଇ ପୁଲିସ୍। ଗତ ଗୁରୁବାର ମୁମ୍ବାଇ ପୁଲିସ୍ ନିକଟକୁ ଆସିଥିଲା କଲ୍ । କଲ କରିଥିବା ବ୍ୟକ୍ତି ନିଜକୁ ପାକିସ୍ତାନୀ ନାଗରିକ ବୋଲି ପରିଚୟ ଦେଇଥିଲେ। ଏପରିକ ପାକିସ୍ତାନର ୨ ନାଗରିକ ଏହି ସାଂଘାତିକ କାଣ୍ଡ ଘଟାଇବା ପାଇଁ ମୁମ୍ବାଇରେ ପ୍ରବେଶ କରି ସାରିଥିବା ବି କହିଥିଲେ।
କଲ୍ କରିଥିବା ବ୍ୟକ୍ତି ପୋଲିସକୁ ନିଜ ନାମ ମୁକେଶ ସିଂ ବୋଲି କହିଥିଲା। ପରେ ଆରମ୍ଭ ହୋଇଥିଲା ଖୋଳତାଡ଼ । ପୋଲିସ ଜାଣିବାକୁ ପାଇଥିଲା ଯେ କଲ କରିଥିବା ବ୍ୟକ୍ତି ପାକିସ୍ତାନୀ ନୁହେଁ ଭାରତର ବୋଲି । ବ୍ୟକ୍ତିଙ୍କ ନାମ ଜଗଦମ୍ବା ପ୍ରସାଦ ସିଂ ହୋଇଥିବାବେଳ ବୟସ ୩୫ ସେ ଉତ୍ତରପ୍ରଦେଶରେ ବାସିନ୍ଦା । ଏବେ ସେ ମୁମ୍ବାଇର ସାନ୍ତାକ୍ରୁଜ ଅଞ୍ଚଳରେ ରହୁଛନ୍ତି। ପୁଲିସ୍ ଜଗଦମ୍ବାଙ୍କୁ ଅଟକ ରଖି ପଚରାଉଚରା କରିବା ସହ ଏଥିରେ ଆଉ କାହାର ସମ୍ପୃକ୍ତି ଅଛି ତାହାର ପତ୍ତା ଲଗାଉଛି।
