ସଞ୍ଜୟଙ୍କୁ ଉମାଙ୍କ ଟାର୍ଗେଟ

ଭୁବନେଶ୍ୱର (ବଡ଼ ଖବର ବ୍ୟୁରୋ): ସତ୍ୟବାଦୀରେ ବଢ଼ୁଛି ଉମା-ସଞ୍ଜୟ କଳି । ବିଜେଡି ଟିକେଟ ପାଇଁ ଖୁଲମଖୁଲା ଲଢ଼େଇ । ଆଜି ପ୍ରତିକ୍ରିୟା ରଖିଲେ ବିଧାୟକ ଉମା ସାମନ୍ତରାୟ । କହିଛନ୍ତି ସତ୍ୟବାଦୀ ମୋ ଜନ୍ମ ସ୍ଥାନ । ସତ୍ୟବାଦୀରେ ମୁଁ ପାରୁ ପର୍ଯ୍ୟନ୍ତ ସଂଗଠନ କରିଛି । ୱାର୍ଡ ସ୍ତରରୁ ମୁଁ ସଂଗଠନକୁ ସୁଦୃଢ କରିଛି । ମୁଁ ସେଠି ତିନି ତିନି ଥର ଜିଲ୍ଲା ପରିଷଦ ସ୍ୱାଧୀନରେ ଜିତିଛି । ବିଧାୟକ ବି ସ୍ୱାଧୀନ ଭାବେ ଜିତିଛି ।

ସେ ଆହୁରି ମଧ୍ୟ କହିଛନ୍ତି ବିଜୁ ଜନତା ଦଳ ଯେତେବେଳେ ସତ୍ୟବାଦୀରେ କେବେ ବି ଖାତା ଖୋଲି ନଥିଲା ମୁଁ ୨୦୧୯ ରେ ଖାତା ଖୋଲିଥିଲି । ସତ୍ୟବାଦୀ ବ୍ଲକରେ କେବେ ବି କେହି ଚେୟାରମ୍ୟାନ କରି ପାରି ନଥିଲେ ମୁଁ ସେଠି ଦୁଇ ଦୁଇ ଥର ଚେୟାରମ୍ୟାନ ବି କରିଛି । ତେଣୁ ଉମା ସାମନ୍ତରାୟ କହିଲେ ସତ୍ୟବାଦୀ । ଦଳରେ କାହାର ଜଣଙ୍କର ଟିକେଟ ଘୋଷଣା ହୋଇଛି କି । ମୁଖ୍ୟମନ୍ତ୍ରୀ କାହାକୁ କହିଛନ୍ତି କି । ୫-ଟି ଅଧ୍ୟକ୍ଷ କହିଛନ୍ତି ନା ସାଙ୍ଗଠନିକ ସମ୍ପାଦକ କହିଛନ୍ତି କି । କିଏ କାହା ମନକୁ କେଉଁ କଥା କହି ଦେବ ସେ କଥାକୁ ନେଇ ସତ୍ୟବାଦୀ ଲୋକେ ଭ୍ରମିତ ହେବେ ନାହିଁ ବୋଲି କହିଛନ୍ତି ଉମା ।

ଦଳର ସୁପ୍ରମୋ ନବୀନ ପଟ୍ଟନାୟକ । ତାଙ୍କ ନିଷ୍ପତ୍ତି ସର୍ବମାନ୍ୟ । ଆପଣମାନେ ଦେଖିବେ ଲୋକେ କାହାକୁ ସତ୍ୟବାଦୀରେ ଚାହୁଁଛନ୍ତି । ଆଗକୁ କଣ ହେଉଛି । ଦଳ ପକ୍ଷରୁ କାହାକୁ କିଛି ବି ନିର୍ଦ୍ଦେଶ ଦିଆଯାଇ ନାହିଁ । ଯିଏ ଯାହା କହୁଛି ତା ମନରୁ କହୁଛି । ମୁଁ ଗୋଟେ କଥା ଜାଣିଛି ବିଜେଡି ଏକ ଶୃଙ୍ଖଳିତ ଦଳ । ଦଳ ଭିତରେ ମୁଖ୍ୟମନ୍ତ୍ରୀ ଏବଂ ପାଣ୍ଡିଆନ ଯାହା ନିଷ୍ପତ୍ତି ନେବେ ସେ ନିଷ୍ପତ୍ତିକୁ ସତ୍ୟବାଦୀବାସୀ ମାନିବେ ।