ଭ୍ୟାକ୍ସିନ୍ ଅଭାବ: ୧୨ଟି କେନ୍ଦ୍ରରେ ହେବ ଟିକାକରଣ

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ଭ୍ୟାକ୍ସିନ୍ ଅଭାବ । ଅନେକ ସ୍ଥାନରେ ଟିକାକରଣ ବନ୍ଦ । ଆଜି ରାଜ୍ୟରେ ମାତ୍ର ୧୨ଟି କେନ୍ଦ୍ରରେ ହେବ ଟିକାକରଣ । ଗଞ୍ଜାମ ଓ ନବଜରଙ୍ଗପୁରରେ ୪ଟି ଲେଖାଏଁ କେନ୍ଦ୍ରରେ ଟିକାକରଣ ଚାଲିଥିବା ବେଳେ ପୁରୀରେ ୩ ଓ ସୁନ୍ଦରଗଡ଼ରେ ଗୋଟିଏ କେନ୍ଦ୍ରରେ ହେବ ଟିକାକରଣ । ଏହା ହେଉଛି ରାଜ୍ୟର ସବୁଠୁ ଧିମା ଟିକାକରଣ ।

ଓଡିଶାରେ ଏବେ ମାତ୍ର ୪୧ ହଜାର ୨୯୦ କୋଭିସିଲ୍ଡ ଟିକା ରହିଛି । ସେହିପରି ୩ଲକ୍ଷ ୫୪ ହଜାର ୧୩୦ କୋଭାକ୍ସିନ ଟିକା ରହିଛି । ଟିକା ଅଭାବ ଯୋଗୁଁ ଗତକାଲି ସାରା ରାଜ୍ୟର ୩୨୨ ଟି କେନ୍ଦ୍ରରେ ୬୦ ହଜାର ୫୭ ଲୋକଙ୍କୁ ଟିକାକରଣ କରାଯାଇଥିଲା । ଟିକା ଯୋଗାଇ ଦେବାକୁ କିଛି ଦିନ ତଳେ କେନ୍ଦ୍ରକୁ ଚିଠି ଲେଖିଥିଲେ ରାଜ୍ୟ ସରକାର । କିନ୍ତୁ ଟିକା ପହଁଚି ନଥିବାରୁ ଟିକାକରଣ ପ୍ରଭାବିତ ହୋଇଛି ବୋଲି କୁହାଯାଉଛି ।