ଭୁବନେଶ୍ୱର(ବଡଖବର ବ୍ୟୁରୋ):ବିଶ୍ୱ ଫଟୋଗ୍ରାଫି ସଂଗଠନ ତରଫରୁ ପ୍ରତିବର୍ଷ ଅଗଷ୍ଟ ୧୯ ତାରିଖରେ “ଫଟୋଗ୍ରାଫି ଦିବସ” ପାଳନ କରାଯାଉଛି । ୨୦୦୯ ରେ ଏହି ଦିବସ ପାଳନ ଯୋଜନା ସ୍ଥିର କରାଯାଇଥିବାବେଳେ ୨୦୧୦ ରେ ବିଦ୍ଧିବଦ୍ଧ ଭାବେ ଆରମ୍ଭ ହୋଇଥିଲା । ଫ୍ରାନ୍ସର ଲୁଇସ୍ ଡାଗୁଏରେ ଡେଗରିଓଟାଇପର ଫଟୋଗ୍ରାଫି ପଦ୍ଧତି ଉଦ୍ଭାବନ କରିଥିଲେ ।
୧୮୩୯ ରେ ଫ୍ରେଞ୍ଚ ଏକାଡେମୀ ଅଫ୍ ସାଇନ୍ସ ଏହି ଯୁଗାନ୍ତକାରୀ ଉଦ୍ଭାବନ ସମ୍ପର୍କରେ ଘୋଷଣା କରିବା ପରେ ସେହି ବର୍ଷ ଅଗଷ୍ଟ ୧୯ ରେ ଫ୍ରାନ୍ସ ସରକାର ନିଜ ମାଲିକାନାକୁ ଏହାକୁ ନେଇ ବିଶ୍ୱବାସୀଙ୍କୁ ଜଣାଇଥିଲେ ଲୁଇସ୍ଙ୍କ ଅବଦାନ । ସମୟକ୍ରମେ ଡେଗରିଓଟାଇପର ଉଦ୍ଭାବନ ଘୋଷଣା ଦିନକୁ ବିଶ୍ୱ ଫଟୋଗ୍ରାଫି ଦିବସ ଭାବେ ପାଳନ କରାଯାଉଛି ।
ଏହି ଦିବସ ଅବସରରେ ୨୦୦୯ ରେ ପ୍ରଥମେ ଫ୍ରାନ୍ସରେ ବିଶ୍ୱ ଫଟୋଗ୍ରାଫି ସଂଗଠନ ପକ୍ଷରୁ କଳାର ଯାଦୁଗରୀ ପ୍ରଦର୍ଶନ ପାଇଁ ବିଭିନ୍ନ କାର୍ଯ୍ୟକ୍ରମମାନ ଆୟୋଜିତ ହେଉଥିଲା ।୨୦୧୧ ରୁ ଏହା ଲଣ୍ଡନକୁ ସ୍ଥାନାନ୍ତରିତ ହୋଇ ସେବେଠାରୁ ବିଶ୍ୱସ୍ତରୀୟ ଫଟୋଗ୍ରାଫି ପ୍ରତିଯୋଗିତା ଅନୁଷ୍ଠିତ ହେଉଛି ।
