୨ ହଜାର ଟଙ୍କା ପାଇଁ ଯୁବକଙ୍କୁ ହତ୍ୟା
ଆସିକା (ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ବାଲିଛାଇ ଫାଣ୍ଡି ଏ.ବରିଡା ଗାଁରେ ଘଟିଛି ଅଭାବନୀୟ ଘଟଣା । ଵକେୟା ଦୁଇ ହଜାର ଟଙ୍କା ପାଇଁ ହତ୍ୟାକାଣ୍ଡ ଘଟିଛି । ଭାଟପଡା ଗ୍ରାମର ଟୁକୁନା ଛଟେଇଙ୍କର ଛୁରିମାଡ଼ରେ ମୃତ୍ୟୁ ହୋଇଛି। ପୋଲିସ ଅଭିଯୁକ୍ତକୁ ଅଟକ ରଖିଛି ।
ଏ.ବରିଡା ଗ୍ରାମରେ ଭାଟପଡା ଗ୍ରାମର ଟୁକୁନା ଛଟେଇ ଠିକାଦାର କାମ କରନ୍ତି । ସେ ଦାଦନ ପାଇଁ ଶ୍ରମିକ ନେବା ଆଣିବା କରିଥାନ୍ତି । ସେହି ଗ୍ରାମର ହରେକୃଷ୍ଣ ସାହୁଙ୍କ ସହିତ କୌଣସି କଥାକୁ ନେଇ ଟୁକୁନାଙ୍କର ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ହରେକୃଷ୍ଣ ଟୁକୁନାକୁ ଛୁରି ଭୂଷି ହତ୍ୟାକରିଥିଲା । ଘଟଣାସ୍ଥଳରେ କବିସୂର୍ଯ୍ୟନଗର ପୋଲିସ ଓ ବାଲିଛାଇ ଫାଣ୍ଡି ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ଅଭିଯୁକ୍ତ ହରେକୃଷ୍ଣ ସାହୁକୁ ପୋଲିସ ଅଟକ ରଖିଛି ।
