ଘାତକ ସାଜୁଛି ଏଚ୩ଏନ୨, ଗଲା ଆଉ ଏକ ଜୀବନ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ) : ଘାତକ ହେଉଛି ଏଚ୍୩ଏନ୍୨ । ଭାଇରସ୍ ନେଲା ଆଉ ଏକ ମୁଣ୍ଡ । ସାମାନ୍ୟ ଫ୍ଲୁ ଭଳି ବ୍ୟାପୁଥିବା ଏହି ଏନ୍ଫ୍ଲୁଏଞ୍ଜା ଏବେ ମାରାତ୍ମକ ହେବାରେ ଲାଗିଛି। ଧୀରେ ଧୀରେ ଏହି ଭାଇରସ ଅନେକ ରାଜ୍ୟକୁ ବ୍ୟାପିବାରେ ଲାଗିଛି। ଏହି ଭାଇରସରେ ଆକ୍ରାନ୍ତ ହୋଇ ଏବେ ଦେଶରେ ଆଉ ଜଣଙ୍କ ମୃତ୍ୟୁ ହୋଇଛି। ଗୁଜରାଟ ବଡୋଦରାର ଜଣେ ୫୮ ବର୍ଷୀୟ ମହିଳା ଏଚ୍୩ଏନ୍୨ ଭାଇରସରେ ପ୍ରାଣ ହରାଇଛନ୍ତି। ଏହାକୁ ମିଶାଇ ଦେଶରେ ମୋଟ ତିନି ଜଣ ପ୍ରାଣ ହରାଇସାରିଲେଣି। ଏହାପୂର୍ବରୁ ଏହି ଭାଇରସରେ ହରିୟାଣା ଓ କର୍ଣ୍ଣାଟକରେ ଜଣେ ଲେଖାଏଁ ରୋଗୀଙ୍କ ମୃତ୍ୟୁ ହୋଇଥିଲା ।