ସମ୍ମାନ ରକ୍ଷା କଲା ଭାରତ

ଭୁବନେଶ୍ୱର (ବଡ଼ ଖବର ବ୍ୟୁରୋ): ସମ୍ମାନ ରକ୍ଷା କଲା ଭାରତ । ଶେଷ ଦିନିକିଆରେ ବିଜୟୀ ହୋଇଛି ଭାରତ । ଅଷ୍ଟ୍ରେଲିଆକୁ ୧୩ ରନରେ ପରାସ୍ତ କରିଛି ବିରାଟ ବାହିନୀ । ୩ମ୍ୟାଚ ବିଶିଷ୍ଟ ଦିନିକିଆ ସିରିଜରେ ଭାରତ ୨-୧ରେ ପରାଜୟ ବରଣ କରିଛି । ଶେଷ ଦିନିକିଆରେ ଭାରତ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭର ମଧ୍ୟରେ ୫ ୱିକେଟ ହରାଇ ୩୦୫ ରନ କରିବାରେ ସକ୍ଷମ ହୋଇଥିଲା । ଭାରତ ପକ୍ଷରୁ ବିରାଟ କୋହଲି ୬୩, ହାର୍ଦ୍ଧିକ ପାଣ୍ଡ୍ୟା ୯୨ ଓ ରବିନ୍ଦ୍ର ଜାଡେଜା ୬୬ ରନ କରିଥିଲେ । ଆଜି ମଧ୍ୟ ରାହୁଲ ଓ ଶ୍ରେୟସ ଆୟାର ବିଫଳ ହୋଇଛନ୍ତି । ୩୦୬ ରନକୁ ପିଛା କରିବାକୁ ଯାଇ ଅଷ୍ଟ୍ରେଲିଆ ୪୯ ଓଭର ୩ଟି ବଲ ମଧ୍ୟରେ ସମସ୍ତ ୱିକେଟ ହରାଇ ମାତ୍ର ୨୮୯ ରନ କରିଥିଲା । ଆରୋନ ଫିନ୍ଚ ୭୫ ରନ କରିଥିବା ବେଳେ ମ୍ୟାକ୍ସୱେଲ ଧୂଅାଁଧାର ୫୯ ରନ କରିଥିଲେ । ଦଳର ଅନ୍ୟ କୌଣସି ଖେଳାଳି ସାଥ ନଦେବାରୁ ଶେଷରେ ଦଳ ୨୮୯ରେ ସିମିତ ରହିଥିଲା । ଭାରତ ପକ୍ଷରୁ ସାର୍ଦ୍ଧୁଲ ଠାକୁର ୩ୱିକେଟ, ଜଶପ୍ରିତ ବୁମରା ଓ ଟି ନଟରାଜନ ଦୁଇଟି ଲେଖାଏଁ ୱିକେଟ ଅକ୍ତିଆର କରିଥିବା ବେଳେ କୁଳଦୀପ ଯାଜବ ଓ ରବିନ୍ଦ୍ର ଜାଡେଜାଙ୍କୁ ଗୋଟିଏ ଲେଖାଏଁ ୱିକେଟ ମିଳିଛି ।