ବାରିପଦା (ବଡ଼ ଖବର ବ୍ୟୁରୋ): ଶିମିଳିପାଳରେ ବାଘୁଣୀ ‘ଜୀନତ୍’ । ପଶ୍ଚିମବଙ୍ଗରୁ ସୂତନ୍ତ୍ର ଗାଡ଼ିରେ ଫେରିଲା ବାଘୁଣୀ ଜୀନତ୍ା ଆଲିପୁର ଚିଡ଼ିଆଖାନାରୁ ସ୍ୱତନ୍ତ୍ର ଗାଡ଼ି ଯୋଗେ ଶିମିଳିପାଳ ଅଣାଗଲା । ‘ଜୀନତ୍’କୁ ଏବେ ଯମୁନା ଏନକ୍ଲୋଜରରେ ରଖାଯାଇଛି । ସେପଟେ ଟ୍ରାଙ୍କୁଲାଇଜ୍ ପରେ ମରାଠା ବାଘୁଣୀ ଜିନତ୍କୁ ପଶ୍ଚିମବଙ୍ଗ ଆଲିପୁର ଚିଡିଆଖାନାକୁ ପଠାଯିବାକୁ ନେଇ ପ୍ରଶ୍ନ ଉଠାଇଛି ରାଷ୍ଟ୍ରୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ (ଏନ୍ଟିସିଏ) । ବାଘୁଣୀକୁ କାହିଁକି ଓଡ଼ିଶା ଶିମଳିପାଳକୁ ଫେରାଇ ଅଣାଗଲାନି ବୋଲି ପଶ୍ଚିମବଙ୍ଗ ବନ ବିଭାଗକୁ ପ୍ରଶ୍ନ କରିଛି ।
ପଶ୍ଚିମବଙ୍ଗ ମୁଖ୍ୟ ବନ୍ୟପ୍ରାଣୀ ତତ୍ତ୍ୱାବଧାରକଙ୍କୁ ଭର୍ତ୍ସନା କରିବା ସହ ଏହାର ଜବାବ ମାଗିଛନ୍ତି । ତୁରନ୍ତ ବାଘୁଣୀକୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଛନ୍ତି । ଏନ୍ଟିସିଏର ଏଭଳି ତାଗିଦ୍ ପରେ ଚେତିଛି ପଶ୍ଚିମବଙ୍ଗ ସରକାର । ବାଘୁଣୀକୁ ତରବରିଆ ଭାବେ ଶିମିଳିପାଳ ପଠାଇବା ବ୍ୟବସ୍ଥା କରିଛି । ବାଘୁଣୀକୁ ପିଛା କରୁଥିବା ୧୫ ଜଣିଆ ଟିମ୍ ମଧ୍ୟ ଓଡ଼ିଶା ଫେରୁଛନ୍ତି । ବାଘୁଣୀକୁ ଏଥର ଶିମିଳିପାଳ ଯମୁନାଗଡ଼ରେ ଥିବା ସ୍ୱତନ୍ତ୍ର ଏନ୍କ୍ଲୋଜରରେ ରଖାଯିବ । ଯେଉଁଠି ଅନ୍ୟ ମରାଠା ବାଘୁଣୀ ଯମୁନାକୁ ରଖାଯାଇଥିଲା । ମରାଠା ବାଘୁଣୀ ଜିନତ୍କୁ ପଶ୍ଚିମବଙ୍ଗ ଆଲିପୁର ଚିଡିଆଖାନାରେ ଛଡ଼ାଯିବା ପରେ ନୂଆ ଅଡୁଆ ଆରମ୍ଭ ହୋଇଥିଲା ।
