ଆସିକା(ବଡ଼ ଖବର ବ୍ୟୁରୋ): ଆସିକାରେ ନିର୍ବାଚନ ପୋଷ୍ଟର ବାହାର କରିବା ନେଇ ପ୍ରଶାସନିକ ଅଧିକାରୀ ଓ କଂଗ୍ରେସ କର୍ମୀଙ୍କ ମଧ୍ୟରେ ହୋହଲ୍ଲା । ନୂଆପଲ୍ଲୀ ଓ ଝଗଡେଇ ପାକଲପଲ୍ଲୀ ଛକ ଠାରେ ପ୍ରଶାସନିକ ଅଧିକାରୀ ଓ କଂଗ୍ରେସ କର୍ମୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ଚାରିଆଡେ ଭୋଟ ଭିକ୍ଷା ପାଇଁ ନେତା ପ୍ରଚାର ପ୍ରସାର କରୁଛନ୍ତି ।
ସୂଚନା ଅନୁସାରେ ଆସିକା ସହର ଓ ଏହାର ଆଖପାଖ ଅଞ୍ଚଳର ନିର୍ବାଚନ ପୋଷ୍ଟର ପ୍ରଶାସନିକ ଅଧିକାରୀ ଓ ପୋଲିସ ପ୍ରଶାସନ ପକ୍ଷରୁ ବାହାର କରାଯାଇଥିଲା । ପୋଷ୍ଟର ବାହାର କରିବାକୁ ନେଇ ଆଜି ସ୍ଥାନୀୟ ଅଞ୍ଚଳରେ ହୋହଲ୍ଲା ଦେଖାଦେଇଥିଲା । ପ୍ରଶାସନର ନିର୍ଦ୍ଦେଶ କ୍ରମେ ପୋଷ୍ଟର ବାହାର କରାଯାଉଛି ବୋଲି ଉପସ୍ଥିତ ସରକାରୀ କର୍ମୀ କହିଥିଲେ । ଏହି ସମୟରେ ପ୍ରଶାସନିକ ଅଧିକାରୀ ଓ କଂଗ୍ରେସ କର୍ମୀ ମୁହାଁମୁହିଁ ହୋଇଥିଲେ ।
