ଭୁୁବନେଶ୍ୱର (ବଡ଼ ଖବର ବ୍ୟୁରୋ):ଗୃହରେ ମହାନଦୀ ତାତି । ସ୍ୱତନ୍ତ୍ର ମୋସନ ଆକାରରେ ମହାନଦୀ ଜଳ ବିବାଦ ଆଲୋଚନା ଦାବି କରିଥିଲା କଂଗ୍ରେସ । ବିଜେପି ମଧ୍ୟ କଂଗ୍ରେସ ସହିତ ସ୍ୱର ମିଶାଇଥିଲା । ଉଭୟ ଦଳର ସଦସ୍ୟ ଗୃହରେ କରିଥିଲେ ହଟଗୋଳ । ଏପଟେ ବିଜେଡି ସଦସ୍ୟ ଜୋରଦାର କରିଥିଲେ ବିରୋଧ । କରିଥିଲେ ନାରାବାଜି । କଂଗ୍ରେସ ବିଜେପି ଭାଇ ଭାଇ ଗୃହକୁ ଚଳାଇ ଦେଉ ନାହିଁ । ଗୃହରେ ମହାନଦୀ ଝଡ଼ । ସ୍ୱତନ୍ତ୍ର ମୋସନ ଆକାରରେ ମହାନଦୀ ଜଳ ବିବାଦ ଆଲୋଚନା କରିବାକୁ ବିରୋଧୀ କଂଗ୍ରେସ ଓ ବିଜେପି ଦାବି କରିଥିଲେ । ଉଭୟ ଦଳର ସଦସ୍ୟ ଗୃହର ମଧ୍ୟ ଭାଗକୁ ଚାଲିଆସି କରିଥିଲେ ହଟ୍ଟଗେଳ । ଶାସକ ବିଜେଡି ମଧ୍ୟ ଚୁପ୍ ବସିନଥିଲା । କରିଥିଲା ଜୋରଦାର ବିରୋଧ । ଶାସକ ଦଳର ସଦସ୍ୟମାନେ ମିଳିତ ହୋଇ କରିଥିଲେ ନାରାବାଜି । କଂଗ୍ରେସ ବିଜେପି ଭାଇ ଭାଇ ଗୃହକୁ ଚଳାଇ ଦେଉ ନାହିଁ । ମହାନଦୀ ପ୍ରସଙ୍ଗରେ ଅମର ଶତପଥୀ କହିଛନ୍ତି ମହାନଦୀରେ ଜଳ ପ୍ରବାହ କମିବାରେ ଲାଗିଛି। କେନ୍ଦ୍ର ସରକାର ସବୁବେଳେ ଛତିଶଗଡ଼ ସପକ୍ଷରେ ରହୁଛନ୍ତି।
ମହାନଦୀ ଜଳ ବିବାଦର ସମାଧାନ ପାଇଁ ରାଜ୍ୟ ସରକାରଙ୍କ ଆନ୍ତରିକତା ନାହିଁ । ୨ବର୍ଷ ହେଲା ଓଡ଼ିଶା ସରକାର କେନ୍ଦ୍ର ନିକଟରେ କୌଣସି ପ୍ରସ୍ତାବ ଆଗତ କରିନାହାନ୍ତି । କେବଳ ଟ୍ରିବୁ୍ୟନାଲ ଉପରେ ଭରସା କରିଛନ୍ତି ବୋଲି ବିଜେପି କହିଛି । କଂଗ୍ରେସ କହିଛି ସରକାର ହୀରାକୁଦର ତଳମୁଣ୍ଡରେ ଗୋଟିଏ ହେଲେ ବ୍ୟାରେଜ ନିର୍ମାଣ କଲେ ନାହିଁ । ରାଜ୍ୟ ସରକାର ସଦାବେଳେ ଛତିଶଗଡ଼ ସରକାର ଓ କେନ୍ଦ୍ରକୁ ଦୋଷ ଦେବାରେ ଲାଗିଛନ୍ତି । ମହାନଦୀକୁ ନେଇ ଗୃହରେ ବିରୋଧୀ ଓ ଶାସକଙ୍କ ଝଡ ଲାଗିରହିବାରୁ ଅପରାହ୍ନ ଚାରିଟା ଯାଏଁ ଗୃହ ମୁଲତବି ଘୋଷଣା କରିଥିଲେ ବାଚସ୍ପତି । ଅପରାହ୍ନରେ ସର୍ବଦଳୀୟ ବୈଠକ ଡାକିଥିଲେ ବାଚସ୍ପତି । ଗୃହରେ ବ୍ୟୟ ମଞ୍ଜୁର ବିଲ ଆଗତ ହୋଇସାରିବା ପରେ ମହାନଦୀ ସମ୍ପର୍କରେ ଆଲୋଚନା ହେବ ବୋଲି ସରକାରଙ୍କ ପକ୍ଷରୁ କୁହାଯାଇଥିଲା ।
