ଗୋରୁ ବୋଝେଇ ଟାଟାଏସି ଗାଡି ଜବତ, ଦୁଇ ଗିରଫ
ଢେଙ୍କାନାଳ(ବଡ଼ ଖବର ବ୍ୟୁରୋ):ବେଆଇନ ଗୋରୁ ବୋଝେଇ ଟାଟା ଏସି ଗାଡି ସହ ଦୁଇ ଗିରଫ । ଢେଙ୍କାନାଳ ଜିଲ୍ଲା ସୁରପ୍ରତାପପୁର ଫାଣ୍ଡି ଅଧିକାରୀ ଗୋରୁ ଚାଲାଣ ଚାଲିଥିବାବେଳେ ଖବର ପାଇ ଯମୁନାକୋଟ ସୁରପ୍ରତାପପୁର ରାସ୍ତାରୁ ଏକ ବେଆଇନ ଗୋରୁ ବୋଝେଇ ଟାଟା ଏସି ସହ ଦୁଇ ଜଣଙ୍କୁ ଗିରଫ କରିଛନ୍ତି । ଗିରଫ ଦୁଇଜଣ ହେଲେ ସୁରପ୍ରତାପପୁର ଫାଣ୍ଡି ଅନ୍ତର୍ଗତ ଶ୍ରୀରାମପୁର ଗ୍ରାମର ଡାକ୍ତର ହାତୀ ଏବଂ ଗାଡିର ଡ୍ରାଇଭର ଆର୍ତବନ୍ଧୁ ସାହୁ। ପ୍ରତ୍ୟେକ ସୋମବାର ଭୁବନ ଠାରୁ ଅଳ୍ପ ଦୂରରେ ଗୋହାଟ ହେଉଥିବାରୁ ଭୁବନ ଗୋରୁ ମାଫିଆମାନେ ସକ୍ରିୟ ଥିବା ବେଳେ ୬ ମାସ ମଧ୍ୟରେ ନିତିଦିନିଆ ଭାବରେ ଗୋରୁ ଚାଲାଣ ହେଉଛି ।
ଗୋରୁ ମାଫିଆ ମାନେ ଦିନ ଦ୍ବିପହରରେ ପୋଲିସକୁ ଖୋଲା ଚ୍ୟାଲେଞ୍ଜ କରି ଅବାଧରେ ରାଜ୍ୟ ବାହରକୁ ଚାଲାଣ କରୁଛନ୍ତି । ତେବେ ଆଜି ଗୋରୁ ଚାଲାଣ କାରୀ ଉଭୟଙ୍କୁ ଡାକ୍ତରୀ ପରୀକ୍ଷା କରାଯାଇ କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛନ୍ତି ସୁରପ୍ରତାପପୁର ଫାଣ୍ଡି ଅଧିକାରୀ ସୌଭାଗ୍ୟ କୁମାର ପାଣି।
