ରାସ୍ତାରେ ବନ୍ୟାପାଣି, ଭାସିଗଲେ ଯୁବକ

ଧାମନଗର (ବଡ଼ ଖବର ବ୍ୟୁରୋ): ବାଇକ ସହିତ ଭାସିଗଲେ ଯୁବକ । ଏଭଳି ଘଟଣା ଦେଖିବାକୁ ମିଳିଛି ଧୂଷୁରୀରୁ ଯାଜପୁରକୁ ସଂଯୋଗ କରୁଥିବା ହରିହଂସ ଘୁସୁରା ନିକଟରେ । ଯୁବକଙ୍କ ନାମ ସଞ୍ଜୀବ ପଣ୍ଡା । ତାଙ୍କ ଘର ଯାଜପୁର ଜିଲ୍ଲା କନିକାପଡ଼ା ପଞ୍ଚାୟତର ଖଜିରୀମାଳ ଅଂଚଳରେ । ଭଦ୍ରକରୁ ଏକ ବାଇକ ନେଇ ଗତକାଲି ବିଳମ୍ବିତ ରାତିରେ ନିଜ ଘରକୁ ଫେରୁଥିଲେ । ହେଲେ ସେ ଘରେ ପହଞ୍ଚି ପାରି ନଥିଲେ । ଧୂଷୁରୀରୁ ଯାଜପୁରକୁ ସଂଯୋଗ କରୁଥିବା ରାସ୍ତା ହରିହଂସ ଘୁସୁରା ନିକଟରେ ପ୍ରଖର ସୁଅରେ ଭାସି ଯାଇ ଥିଲେ ଯୁବକ । ଆଜି ସ୍ଥାନୀୟ ଲୋକ ଏକ ବାଇକ୍ ଇଲେକ୍ଟ୍ରି ଖୁଣ୍ଟରେ ଲାଗିଥିବା ଦେଖିଥିଲେ । ପରେ ବାଇକକୁ ଉପରକୁ ଉଠେଇ ଆଣିଥିଲେ । ଏବେ ଅଗ୍ନିଶମ ବାହିନୀ ସେଠାରେ ପହଞ୍ଚି ଖୋଜା ଖୋଜି ଜାରି ରଖିଛି ।