ଭଦ୍ରକ: ଅଜଣା ରୋଗରେ ଆକ୍ରାନ୍ତ ଭାଗିରଥି ଜେନା. ବଞ୍ଚିବାକୁ ଆକୁଳ ନିବେଦନ। ମୂଲ ମଜୁରୀ ଲାଗି ଯାହା ଦୁଇ ପଇସା ଆଣୁଥିଲେ ସେଥିରେ ଦୁଃଖ କଷ୍ଟେ ଚଳି ଯାଉଥିଲା ତେଲ ଲୁଣର ସଂସାର. କିନ୍ତ ଦଇବ ସହିଲାନି । ଅଜଣା ରୋଗରେ ଆକ୍ରାନ୍ତ ହୋଇ ବିଛଣାରେ । ଚିକିତ୍ସା ପାଇଁ ଏବେ ସରକାରୀ ସହାୟତାକୁ ଅପେକ୍ଷା ।
ସୂଚନା ଯୋଗ୍ୟ ଭଦ୍ରକ ଜିଲ୍ଲା କୋଡ଼ବରୁଆଁ ଗ୍ରାମ ପଞ୍ଚାୟତ କୋଡ଼ଗମ୍ଭୀର ଗାଁରେ ଭାଗିରଥି ଜେନା । ପାଞ୍ଚ ଝିଅ ଏବଂ ଦୁଇ ପୁଅ କୁ ନେଇ ଛୋଟ ସଂସାର । ଦୀର୍ଘ ସାତ ବର୍ଷ ହେବ ଅଜଣା ରୋଗ ରେ ପୀଡିତ । ଅର୍ଥ ଅଭାବରୁ ଠିକରେ ଚିକିତ୍ସା ହୋଇପାରୁନାହାନ୍ତି । ମୂଲ ମଜୁରୀ ଲାଗି ଯାହା ଦୁଇ ପଇସା ରଖିଥିଲେ ସବୁ ଔଷଧ ବାବଦରେ ଖର୍ଚ୍ଚ ହୋଇସାରିଲାଣି । ଗତ ଦୁଇ ମାସ ହେବ ଦେହ ସାରା ଘା ହୋଇ ଗୋଟିଏ ଜାଗା ରେ ପଡି ରହିଛନ୍ତି ଜିଲ୍ଲାର ପ୍ରଶାସନିକ ଅଧିକାରୀ ଙ୍କୁ ଅବଗତ କରା ଯାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇନାହିଁ ।
କଷ୍ଟ ଯନ୍ତ୍ରଣାରେ ଛଟପଟ ହେଉଛନ୍ତି ଭାଗିରଥି. ଗ୍ରାମବାସୀ ଓ ପରିବାର ଲୋକଙ୍କ ନିବେଦନ ଯଥା ଶୀଘ୍ର ତାଙ୍କୁ ବଡ ମେଡିକାଲ ନେଇ ଚିକତ୍ସା କରାଯାଉ । ଜିଲ୍ଲା ପ୍ରଶାସନ ଦୃଷ୍ଟି ଦେବା ପାଇଁ ଅନୁରୋଧ ।
