ମାହାଙ୍ଗା(ବଡ଼ ଖବର ବ୍ୟୁରୋ): ମାହାଙ୍ଗା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିବେ କଂଗ୍ରେସ ଶୃଙ୍ଖଳା କମିଟି ସଭ୍ୟ ଦେବେନ୍ଦ୍ର ସାହୁ । ଏ ଆଇ ସି ସି ଶ୍ରୀ ସାହୁଙ୍କୁ ଟିକେଟ ଦେବା ପରେ କଂଗ୍ରେସ ଉତ୍ସାହିତ ହୋଇପଡ଼ିବା ଦେଖିବାକୁ ମିଳିଛି । ବିଭିନ୍ନ ସ୍ଥାନରେ ବାଣ ଫୁଟେଇ ବାଜା ବଜେଇ ଦଳୀୟ କର୍ମୀମାନେ ଦେବେନ୍ଦ୍ରଙ୍କୁ ସ୍ୱାଗତ କରିଛନ୍ତି । ଶାସକ ବିଜୁ ଜନତା ଦଳ ବିରୁଦ୍ଧରେ ଯୋରଦାର ଲଢେଇ ହେବ ଏବଂ ମାହାଙ୍ଗାବାସୀ ଜଣେ ଭଲ ନେତାଙ୍କୁ ସେମାନଙ୍କ ପ୍ରତିନିଧି ଭାବେ ନିର୍ବାଚିତ କରିବାକୁ ଶ୍ରୀ ସାହୁ ଆହ୍ୱାନ ଦେଇଥିଲେ । ଗାନ୍ଧୀ ଶିକ୍ଷାଶ୍ରମ କଇଥା ଚମ୍ପାପୁର ଠାରୁ କୋଠପଦା ଦେଇ ବ୍ଲକ ସଦର ମହକୁମା କୁଆଁପାଳ ପର୍ୟ୍ୟନ୍ତ ଦେବେନ୍ଦ୍ରଙ୍କୁ ଏକ ବାଇକ ଶୋଭାଯାତ୍ରାରେ କଂଗ୍ରେସ କର୍ମୀମାନେ ପାଛୋଟି ନେବା ଦେଖିବାକୁ ମିଳିଥିଲା ।
ଚଳିତ ନିର୍ବାଚନରେ ବିଜେଡିରୁ ପୂର୍ବତନ ମନ୍ତ୍ରୀ ପ୍ରତାପ ଜେନାଙ୍କ ପୁଅ ଅଙ୍କିତ ଜେନା, ବିଜେପିରୁ ସୁମନ୍ତ ଘଡେଇ, ଆମ ଆଦମୀ ପାର୍ଟିରୁ ସାରଦା ପ୍ରାସାଦ ଦାସ ଏବଂ ସ୍ୱାଧୀନ ଭାବେ ସାରଦା ପ୍ରଧାନ ନିର୍ବାଚନ ଲଢ଼ିବାକୁ ଯାଉଥିବାରୁବେଳେ ଏବେ ରୋଚକ ମୋଡରେ ମାହାଙ୍ଗା ରାଜନୀତି ବୋଲି ଚର୍ଚ୍ଚା ହେଉଛି ।
