ସୁପ୍ରିମକୋର୍ଟଙ୍କ ରାୟ; ବିନା ଅନୁମତିରେ ହେବ ସରକାରୀ ବାବୁଙ୍କ ମାମଲା ରୁଜୁ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ନୂଆଦିଲ୍ଲୀ କେନ୍ଦ୍ର ସରକାରଙ୍କ ଅଧୀନରେ ନୀଯୁକ୍ତ ଯୁଗ୍ମ ସଚିବ ଓ ଅଫିସରମାନେ ଦୁର୍ନୀତିରେ ସମ୍ପୃକ୍ତ ଥିଲେ, ସେମାନଙ୍କ ବିରୋଧରେ ତଦନ୍ତ କରାଯାଇ ମାମଲା ରୁଜୁ କରାଯାଇପାରିବ ତାହା ପୁଣି କର୍ତ୍ତୁପକ୍ଷଙ୍କ ଅନୁମତି ନଥିଲେ ମଧ୍ୟ ଏହା ହୋଇପାରିବ । ୨୦୧୪ରେ ସୁପିମକୋର୍ଟ ଦେଇଥିବା ଏହି ରାୟକୁ ୨୦୦୩ ସେପ୍ଟେମ୍ବର ୧୧ ପିଛିଲା ଭାବେ ଲାଗୁ କରିବା ପାଇଁ ସୋମବାର ନିର୍ଦ୍ଦେଶ ଦେଇଛନ୍ତି ।
ଦୁର୍ନୀତି ମାମଲାରେ ଦିଲ୍ଲୀ ସ୍ୱତନ୍ତ୍ର ପୋଲିସ ପ୍ରତିଷ୍ଠାନ ଅଧିନିୟମ, ୧୯୪୬ରେ ଉପରୋକ୍ତ ଅଧିକାରୀଙ୍କ ବିରୋଧର ତଦନ୍ତଓ କାର୍ଯ୍ୟାନୁଷ୍ଠାନ ଲାଗି ଉଚ୍ଚ କର୍ତ୍ତୁପକ୍ଷଙ୍କ ଅନୁମତି ଆଣିବାରେ ବ୍ୟବସ୍ଥା ରହିଥିଲା । କିନ୍ତୁ ୨୦୧୪ ମେ ସର୍ବୋଚ୍ଚ ଅଦାଲତ ଏହାକୁ ଖାରଜ କରିଦେଇଥିଲେ । ଏବେ ଉକ୍ତ ରାୟକୁ ପିଛିଲା ଭାବେ ଲାଗୁ କରିବା ଲାଗି ଜଷ୍ଟିସ ସଞ୍ଜୟ କିଷନ କୌଲଙ୍କ ଅଧ୍ୟକ୍ଷତାରେ ୫ ଜଣିଆ ସାମ୍ବିଧାନିକ ପୀଠ ସର୍ବସମ୍ମତ ରାୟ ପ୍ରଦାନ କରିଛନ୍ତି ।