ଚାଷଜମିରୁ୧୦ ଫୁଟର ଅଜଗର ଉଦ୍ଧାର

ଔପଦା (ବଡ଼ ଖବର ବ୍ୟୁରୋ): ଫସଲ ଅମଳକରିବାକୁହେଲେ ପ୍ରଥମେକୃଷକକୁ ଫସଲର ଯତ୍ନ ନେବାକୁ ପଡ଼ିଥାଏ । ଜଙ୍ଗଲ ପାଖରେ ଥିବା ଚାଷଜମିରେ ପଶି ବନ୍ୟଜନ୍ତୁମାନେ ଫସଲ ନଷ୍ଠ କରିଦଅନ୍ତି । ସେଥିପାଇଁ ଜମି ଚାରିପଟେ ଜାଲ ଘେରାଯାଇଥାଏ । ନୀଳଗିରି ଉପଖଣ୍ଡ କସବା ଜୟପୁର ପଞ୍ଚାୟତ ଡାଲଙ୍ଗିଆ ଗ୍ରାମର ଦିବାକର ସ୍ୱାଇଁଙ୍କ ଜମିରେ ବିଛାଯାଇଥିବା ଜାଲରେ ଆଜି ଏକ ବିରାଟ ଅଜଗର ସାପ ଲାଗିଯଇଥିଲା । ପରେ ଅଞ୍ଚଳବାସୀ ସାପ ଉଦ୍ଧାରକରୀ ଟିମ୍ ତଥା ଟୁରିଷ୍ଟ୍ ଗାଇଡ୍ ମନୋରଞ୍ଜନ ଦାସଙ୍କୁ ଯୋଗାଯୋଗ କରିଥିଲେ । ମନୋରଞ୍ଜନ ପହଞ୍ଚି ଅଜରଗକୁ ଉଦ୍ଧାର କରିଥିଲେ । ଅଜଗରଟିର ଲମ୍ବ ୧୦ଫୁଟ ହେବ ବୋଲି ମନୋରଞ୍ଜନ କହିଛନ୍ତି । ପରେ ତାକୁ ନେଇ ପଞ୍ଚଲିଙ୍ଗେଶ୍ୱର ନିକଟ କୂଳଡିହା ଜଙ୍ଗଲରେ ଛାଡ଼ିଦିଆଯାଇଛି । ତେବେ ପୂର୍ବରୁ ଲୋକେ ସାପ ଦେଖି ତାକୁ ମାରିଦେଉଥିଲେ । ଏବେ କିନ୍ତୁ ଲୋକଙ୍କ ମାନସିକତାରେ ପରିବର୍ତ୍ତନ ହୋଇଛି । ସାପକୁ ନ ମାରି ଲୋକେ ସ୍ନେକ ହେଲ୍ପ ଲାଇନର ସହାୟତାରେ ତାକୁ ଉଦ୍ଧାର କରି ଜଙ୍ଗଲରା ଛାଡ଼ି ଦେଉଛନ୍ତି । ଏହା ପରିବେଶବିତଙ୍କୁ ଆଶ୍ୱସ୍ତ କରିଛି ।