ପୋଲିସ ପଞ୍ଝାରେ ଧଳ ସାମନ୍ତର ଡାହାଣ ହାତ

କଟକ (ବଡ଼ ଖବର ବ୍ୟୁରୋ) : କମିଶନରେଟ୍ ପୋଲିସକୁ ବଡ଼ ସଫଳତା । ପୋଲିସ ପଞ୍ଝାରେ ଧଳ ସାମନ୍ତର ଡାହାଣ ହାତ । ଧଳ ସାମନ୍ତର ମୁଖ୍ୟ ସହଯୋଗୀ ଥିବା ପ୍ରଦୀପ ସାହୁ ଓରଫ ଦିଲୁକୁ ଗିରଫ କରିଛି କମିଶନରେଟ୍ ପୋଲିସ । ଦୀର୍ଘ ୫ ବର୍ଷ ହେବ ଫେରାର୍ ଥିବା ଅଭିଯୁକ୍ତ ପ୍ରଦୀପ ସାହୁକୁ ରାୟଗଡ଼ାରୁ ଗିରଫ କରିଛି ପୋଲିସ ।

ଧଳସାମନ୍ତ ଅଢୁଆଳରେ ରହି ପ୍ରଦୀପ ଚଳାଇଥିଲା ତାର ଅପରାଧିକ ସାମ୍ରାଜ୍ୟ । କୁହାଯାଏ, ଡି ବ୍ରଦର୍ସଙ୍କ ଟେଣ୍ଡର ପ୍ରକ୍ରିୟାରେ ଦିଲୁ ଥିଲା ମୁଖ୍ୟ । ଦିଲୁ ସାଜିଥିଲା ଧଳ ବ୍ରଦର୍ସଙ୍କ ମୁଖ୍ୟ ସହଯୋଗୀ । ଗିରଫ ସମୟରେ ଦିଲୁ ପାଖରୁ ଗୋଟିଏ ବନ୍ଧୁକ, ୬ ରାଉଣ୍ଡ ଗୁଳି ଓ ୩ଟି ମୋବାଇଲ ଜବତ କରିଛି ପୋଲିସ । ୨୦୧୬ ମସିହାରେ ବହୁ ଚର୍ଚ୍ଚିତ ଓମ ଓ ଦିପୁଙ୍କୁ ଘରୁ ଅପହରଣ କରି ହତ୍ୟା କରିଥିଲା ଅଭିଯୁକ୍ତ ଦିଲୁ । ଏହା ପରେ ସେ ଦୀର୍ଘ ୫ ବର୍ଷ ଧରି ଫେରାର୍ ଥିଲା । କଟକ ଡିସିପିଙ୍କ ନେତୃତ୍ୱରେ ଏକ ସ୍ପେଶାଲ ଟିମ୍ ରାୟଗଡ଼ାରୁ ଦିଲୁକୁ ଗିରଫ କରିଛି । ଦିଲୁ ନାମରେ ଚାଉଳିଆଗଞ୍ଜ ଥାନାରେ ୪ଟି କେସ୍ ରହିଛି । କମିଶନରେଟ୍ ପୋଲିସର ଅପରାଧ ବିରୁଦ୍ଧରେ ଜିରୋ ଟଲେରାନ୍ସ ନୀତି ବଳ ବଳବତ୍ତର ରହିଛି ବୋଲି କହିଛନ୍ତି ସୌମେନ୍ଦ୍ର ପ୍ରିୟଦର୍ଶୀ । ଚାଉଳିଆଗଞ୍ଜ ଅଂଚଳର ଓମ ଓ ଦିପୁ ମର୍ଡର ଘଟଣାରେ ଫେରାର ଥିବା ଦିଲୁ ଏବେ ପୋଲିସ କବ୍ଚାରେ । ପୂର୍ବରୁ ଧଳସାମନ୍ତ ଓ ତାର ଅନେକ ସହଯୋଗୀ ହତ୍ୟାକାଣ୍ଡ ଘଟଣାରେ ଜେଲରେ ଅଛନ୍ତି । ଧଳ ସାମନ୍ତଙ୍କ ସହଯୋଗୀ ମୁଖ୍ୟ ସହଯୋଗୀ ଥିବା ଦିଲୁକୁ ଧରିବାରେ ସଫଳ ହୋଇଛି ପୋଲିସ । କଟକରୁ ପ୍ରଦୀପ ନାୟକଙ୍କ ରିପୋର୍ଟ ବଡ଼ ଖବର ।