ପୋଲିସର କାର୍ଯ୍ୟାନୁଷ୍ଠାନ ଆମକୁ କିଛି ଫରକ ପଡ଼ିବ ନାହିଁ : କେସି ବେଣୁଗୋପାଳ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କଂଗ୍ରେସକୁ ଝଟକା । ମହାତ୍ମା ଗାନ୍ଧିଙ୍କ ସମାଧିସ୍ଥଳ ରାଜଘାଟରେ ଦିଲ୍ଲୀ ପୋଲିସ ଜାରି କଲା ୧୪୪ । ୫ ରୁ ଅଧିକ ବ୍ୟକ୍ତି ରାଜଘାଟ ଠାରେ ଏକାଠି ହୋଇପାରିବେ ନାହିଁ ବୋଲି ଦିଲ୍ଲୀ ଡେପୁଟି ପୋଲିସ କମିଶନର ଦିଲ୍ଲୀ ପ୍ରଦେଶ କମିଟିର କାର୍ଯ୍ୟାଳୟ ସମ୍ପାଦକଙ୍କୁ ଜଣାଇଦେଇଛି । ଆଇନ ଶୃଙ୍ଖଳା ଓ ଟ୍ରାଫିକ ସମସ୍ୟା ଯୋଗୁଁ ରାଜଘାଟରେ ପ୍ରସ୍ତାବିତ ସତ୍ୟାଗ୍ରହ ପାଇଁ ଅନୁମତି ଦିଆଯିବ ନାହିଁ ବୋଲି ଦିଲ୍ଲୀ ପୋଲିସ ସ୍ପଷ୍ଟ କରିଛି ।
ତେଣେ ବରିଷ୍ଠ କଂଗ୍ରେସ ନେତା କେସି ବେଣୁ ଗୋପାଳ ଟ୍ୱିଟ କରି ମୋଦି ସରକାରଙ୍କୁ ଭର୍ସନା କରିଛନ୍ତି । ବେଣୁ ଗୋପାଳ କହିଛନ୍ତି ସଂସଦରେ ଆମେ ନରୀବ ରହିବା ପରେ ମଧ୍ୟ କେନ୍ଦ୍ରସରକାର ଆମକୁ ଶାନ୍ତିପୂର୍ଣ୍ଣ ସତ୍ୟାଗ୍ରହ ପାଇଁ ଅନୁମତି ଦେଉନାହିଁ । ଏହା ମୋଦି ସରକାରଙ୍କର ଏକ ଅଭ୍ୟାସ । ବିରୋଧୀମାନେ ଆନେ୍ଦାଳନ କଲେ ପୋଲିସ ଲଗାଇ ବନ୍ଦ କରିଦିଆଯାଉଛି । ପୋଲିସର କାର୍ଯ୍ୟାନୁଷ୍ଠାନ ଆମକୁ କିଛି ଫରକ ପଡ଼ିବ ନାହିଁ । ସତ୍ୟ ପାଇଁ ଆମ ସଂଗ୍ରାମ ଜାରି ରହିବ ।