୧୧୪ ଦିନରେ ୧୭ କୋଟି ଟିକାକରଣ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କୋଭିଡ୍ ଦ୍ୱିତୀୟ ଲହର ସଂକ୍ରମଣରେ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଥିବା ଭାରତ ଏବେ ଆଉ ଏକ ଗୌରବ ଲାଭ କରିଛି । ସମ୍ପୂଣ୍ଣଁ ଦେଶରେ ୧୭କୋଟି ଟିକା ଦେବାରେ ଭାରତ ଏବେ ବିଶ୍ୱର ଦ୍ରୁତତମ ରାଷ୍ଟ୍ର । ଟିକା ଦିଆଯିବାର ୧୧୪ ଦିନ ମଧ୍ୟରେ ଭାରତ ଏହି ଲକ୍ଷ ହାସଲ କରିଛି । ତେବେ ବିଶ୍ୱର ସର୍ବବୃହତ ଜନ ସଂଖ୍ୟା ବିଶିଷ୍ଟ ଦେଶ ଚୀନକୁ ଏଥିପାଇଁ ୧୧୯ ଦିନ ଲାଗିଥିଲା । ସେହିପରି ଆମେରିକାକୁ ମଧ୍ୟ ଏଥିପାଇଁ ୧୧୫ ଦିନ ସମୟ ଲାଗିଥିଲା ।
ଦେଶରେ ଏବେ ତୃତୀୟ ପର୍ଯ୍ୟାୟ ଟିକାକରଣର ଚାଲିଥିବା ବେଳେ ଏଥିରେ ୧୮ରୁ ୪୪ ବର୍ଷ ବୟସର ନାଗରିକ ମାନଙ୍କର ମଧ୍ୟ ଟିକାକରଣ ଚାଲିଛି । ଯଦିଓ ଟିକା ଅଭାବରୁ ସବୁ ରାଜ୍ୟରେ ଏହା ଏବେ ପର୍ଯ୍ୟନ୍ତ ସଠିକ ଅନୁସାରେ ଚାଲିପାରିନି ତଥାପି ଗତ ୨୪ଘଣ୍ଟା ମଧ୍ୟରେ ୧୮ରୁ ୪୪ ବର୍ଷ ବୟସର ଦେଶରେ ୨କୋଟି ୪୬ହଜାର ବ୍ୟକ୍ତି ଟିକା ନେଇସାରିଛନ୍ତି । ସେହିପରି ୨୪ଘଣ୍ଟା ମଧ୍ୟରେ ମୋଟ ୬.୮କୋଟି ଲୋକ ଟିକା ନେଇଥିବା ସୂଚନା ମିଳିଛି ।