ଉଦଳା (ବଡ଼ ଖବର ବ୍ୟୁରୋ): ଟଙ୍କା ବାଣ୍ଟୁଥିବା ବେଳେ ଦୁଇ ଜଣଙ୍କୁ କାବୁ କରିଛି ପୋଲିସ । ମୟୂରଭଞ୍ଜ ଉଦଳା ଗୋଧିମରା ଗାଁରେ ଟଙ୍କା ବଂଟା ଚାଲିଥିବା ବେଳେ ଜଣେ ମହିଳାଙ୍କ ସମେତ ଦୁଇ ଜଣଙ୍କୁ ଅଟକ ରଖି ତଦନ୍ତ କରୁଛି ପୋଲିସ । ଅଭିଯୁକ୍ତ ଦୁଇ ଜଣ ହେଲେ ବିଜୟଲକ୍ଷ୍ମୀ ମହାପାତ୍ର ଓ ଦିବ୍ୟଜ୍ୟୋତି ଜେନା । ପୋଲିସ ଧରିବା ପରେ ସାମ୍ନାକୁ ଆସିଥିଲା ସତ । ଟଙ୍କା ବାଣ୍ଟୁଥିବା ଦୁଇ ଜଣଙ୍କୁ ପୋଲିସ ଗିରଫ କରିଥିବା ବେଳେ ଗାଡିର ହୋଇଥିଲା ତଲାସି।
ପ୍ରାୟ ୫୦ ରୁ ଅଧିକ ଖାମରେ ୨ ହଜାର ଲେଖାଏଁ ଟଙ୍କା ଭର୍ତ୍ତି ହୋଇଥିଲା। ପାଖାପଖି ୧ ଲକ୍ଷ ୯୧ ହଜାର ଟଙ୍କା ପୋଲିସ ଜବତ କରିଛି। ଏହା ସହିତ ୨ ଗୋଟି କାର ମଧ୍ୟ ଜବତ ହୋଇଛି। ପୋଲିସ ଏହି ଘଟଣାରେ ଭୁବନେଶ୍ୱର ରୁ ଆସିଥିବା ମହିଳା ବିଜୟଲକ୍ଷ୍ମୀ ମହାପାତ୍ର, ଉଦଳା ବିଜେଡି କର୍ମୀ ଦିବ୍ୟଜ୍ୟୋତି ଜେନାଙ୍କୁ ଗିରଫ କରିବା ସହିତ ୨ ଡ୍ରାଇଭର ମଧ୍ୟ ଅଟକ ରହିଛନ୍ତି।
