୩ ଘାନା ନାଗରିକ ଅଟକ
ପାରାଦୀପ (ବଡ଼ ଖବର ବ୍ୟୁରୋ): ଏମଭି ଗ୍ରେଟ୍ ସେଙ୍ଗ ୱେନ ଜାହାଜରେ ଲୁଚି ଆସୁଥିବା ବେଳେ ଧରା ପଡ଼ିଲେ ତିନି ଜଣ ଘାନା ନାଗରିକ । ଏହି ତିନି ଜଣ ଘାନା ନାଗରିକ ସିଆଇଏସଏଫ ହେପାଜତରେ ଅଛନ୍ତି । ପାରାଦ୍ୱୀପ ପୋର୍ଟରେ ଜାହାଜ ଲାଗିବା ପରେ ଆରମ୍ଭ ହେଲା ତନାଘନା । ଜାହାଜଟି ହଂକଂ ହେଶର ହୋଇଥିବା ବେଳେ ଏମାନେ ଜାହାଜକୁ ଆସିଲେ କିପରି ସେ ନେଇ ଉଠୁଛି ପ୍ରଶ୍ନ ।
ଏମଭି ଗ୍ରେଟ୍ ସେଙ୍ଗ ୱେନ୍ ଜାହାଜ ହଂକଂ ଦେଶର ହୋଇଥିବା ବେଳେ ଏହି ଜାହାଜରେ ଏମାନେ ଆସିଲେ କିପରି । ତାକୁ ନେଇ ଖୋଳତାଡ଼ ଆରମ୍ଭ ହୋଇଛି। ଏହି ଜାହାଜରେ ୨୦ କ୍ରିୟୁ ସଦସ୍ୟ ଥିବାବେଳେ ଏମାନେ ୩ ଜଣ ଘାନା ଦେଶର ନାଗରିକ ବୋଲି ଚିହ୍ନଟ କରାଯାଇଛି। ଏମାନଙ୍କ ଉଦ୍ଦେଶ୍ୟ କଣ ଥିଲା , ଏମାନେ କେଉଁ ଦେଶକୁ ଯାଇଥାନ୍ତେ, ଏମାନେ କେଉଁ ପୋର୍ଟରୁ ଜାହାଜ ଭିତରେ କିଭଳି ଭବରେ ପ୍ରବେଶ କଲେ ତାକୁ ନେଇ ଏବେ ତଦନ୍ତ ଆରମ୍ଭ ହୋଇଛି।