ଓଡ଼ିଶା ହାଇକୋର୍ଟରେ ୪ ନୂଆ ବିଚାରପତି

କଟକ(ବଡ଼ ଖବର ବ୍ୟୁରୋ):  ଓଡ଼ଶା ହାଇକୋର୍ଟ ପାଇଁ ୪ ଜଣ ନୂଆ ବିଚାରପତି ନିଯୁକ୍ତି ହୋଇଛନ୍ତି । ତେବେ ଦୁଇ ଜଣ ଆଡଭୋକେଟ ଓ ଦୁଇ ଜଣ ଜୁଡିସିଆଲ ଅଫିସରଙ୍କୁ ନିଯୁକ୍ତି ମିଳିବା ନେଇ ସୂଚନା ମିଳିଛି । ଆଦିତ୍ୟ କୁମାର ମହାପାତ୍ର, ମୃଗାଙ୍କ ଶେଖର ସାହୁ, ରାଧାକୃଷ୍ଣ ପଟ୍ଟନାୟକ ଓ ଶଶିକାନ୍ତ ମିଶ୍ରଙ୍କୁ ବିଚାରପତି ଭାବେ ନିଯୁକ୍ତି ମିଳିଛି ।

ସୂଚନା ଅନୁଯାୟୀ ଆଦିତ୍ୟ କୁମାର ମହାପାତ୍ର ଓ ମୃଗାଙ୍କ ଶେଖର ସାହୁଙ୍କୁ ଆଡଭୋକେଟରୁ ବିଚାରପତି ଭାବେ ନିଯୁକ୍ତି ମିଳିଥିବା ବେଳେ ରାଧାକୃଷ୍ଣ ପଟ୍ଟନାୟକ ଓ ଶଶିକାନ୍ତ ମିଶ୍ର ଜୁଡିସିଆଲ ଅଫିସରରୁ ଏହି ପଦକୁ ଉନ୍ନିତ ହୋଇଛନ୍ତି । ଏ ନେଇ ଗତକାଲି ସୁପ୍ରିମକୋର୍ଟ କଲେଜିୟମର ଏକ ବୈଠକ ବସିଥିଲା । ବୈଠକରେ ଏହି ୪ ଜଣଙ୍କୁ ଓଡ଼ିଶା ହାଇକୋର୍ଟରେ ବିଚାରପତି ଭାବେ ନିଯୁକ୍ତି ଦେବାକୁ ମଞ୍ଜୁରୀ ମିଳିଥିଲା ।