(ବଡ଼ ଖବର ବ୍ୟୁରୋ): ପର୍ଣ୍ଣ ଭିଡିଓ ମାମଲାର ତଦନ୍ତ ଜାରି ରହିଛି। ଦିନକୁ ଦିନ ରାଜ କୁନ୍ଦ୍ରାଙ୍କ ଅଡୁଆ ବଢ଼ିବାରେ ଲାଗିଛି। ପର୍ଣ୍ଣ ଭିଡିଓ ନିର୍ମାଣ ମାମଲାରେ କ୍ରାଇମ ବ୍ରାଞ୍ଚର ପ୍ରପର୍ଟି ସେଲ୍ ଏକ ବଡ଼ ସଫଳତା ହାସଲ କରିଛି। ରାଜ କୁନ୍ଦ୍ରାଙ୍କ କମ୍ପାନୀର ଚାରିଜଣ କର୍ମଚାରୀ ବର୍ତ୍ତମାନ ସରକାରୀ ସାକ୍ଷୀ ହେବାକୁ ରାଜି ହୋଇଛନ୍ତି। ସରକାରୀ ସାକ୍ଷୀ ହୋଇ ସେ ଅଶ୍ଳୀଳ ବ୍ୟବସାୟର ପର୍ଦାଫାଶ କରିବାରେ, ପୋଲିସକୁ ସାହାଯ୍ୟ କରିବେ।ଅଶ୍ଳୀଳ ଫିଲ୍ମ ସୁଟିଂ ମାମଲାରେ ଗିରଫ ହୋଇଛନ୍ତି ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ୱାମୀ ରାଜ କୁନ୍ଦ୍ରା । ମୁମ୍ବାଇ ପୁଲିସର କ୍ରାଇମବ୍ରାଞ୍ଚ ହେପାଜତରେ କୁନ୍ଦ୍ରା । ରାଜଙ୍କୁ ପଚରାଉଚରା କରାଯାଉଛି। ବର୍ତ୍ତମାନ ଏହି ଘଟଣା ସହ ଜଡିତ ଅନେକ ତାଜା ଖବର ସାମ୍ନାକୁ ଆସିଛି । କ୍ରାଇମବ୍ରାଞ୍ଚର ପ୍ରପର୍ଟି ସେଲ୍ ଏକ ବଡ଼ ସଫଳତା ହାସଲ କରିଛି । ରାଜ କୁନ୍ଦ୍ରାଙ୍କ କମ୍ପାନୀରେ କାର୍ୟ୍ୟ କରୁଥିବା ୪ ଜଣ ବ୍ୟକ୍ତି ଏହି ଘଟଣାର ସାକ୍ଷୀ ଦେବାକୁ ରାଜିହୋଇଛନ୍ତି । ସେହି ୪ ଜଣଙ୍କ ନାମ ପ୍ରକାଶ କରାଯାଇନାହିଁ ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ଚାରିଜଣ ସାକ୍ଷୀ ରାଜ କୁନ୍ଦ୍ରାଙ୍କ ବ୍ୟବସାୟ କାରବାର ବିଷୟରେ ପୁଲିସକୁ ଜଣାଇବାକୁ ଯାଉଛନ୍ତି। ଗତ ଶନିବାର ଦିନ କ୍ରାଇମ ବ୍ରାଞ୍ଚ ଟିମ୍ ରାଜ କୁନ୍ଦ୍ରାଙ୍କ ଅଫିସ ଯାଞ୍ଚ କରିଥିଲା। କ୍ରାଇମବ୍ରାଞ୍ଚ ରାଜଙ୍କ କାର୍ୟ୍ୟାଳୟରୁ ଏକ ଲକର ପାଇଛି ଯାହାକୁ ଲୁଚାଇ ରଖାଯାଇଥିଲା। କୁହାଯାଉଛି ଯେ ଏହି ଲକରରୁ ଅନେକ ବ୍ୟବସାୟିକ ଦଲିଲ ଏବଂ କ୍ରିପ୍ଟୋ ମୁଦ୍ରା ଜବତ କରାଯାଇଛି। । ସରକାରୀ ସାକ୍ଷୀ ହୋଇ ସେ ଅଶ୍ଳୀଳ ବ୍ୟବସାୟର ପର୍ଦାଫାଶ କରିବାରେ ପୋଲିସକୁ ସାହାଯ୍ୟ କରିବେ। ଚାରିଜଣ କ୍ରାଇମବ୍ରାଞ୍ଚର ପ୍ରପର୍ଟି ସେଲ ସମ୍ମୁଖରେ ଅନେକ ରହସ୍ୟ ଖୋଲିଛନ୍ତି। ଏହି ପୁରା ରାକେଟ କିପରି ଚାଲୁଥିଲା ଏମାନେ କହିଛନ୍ତି।
ମୁମ୍ବାଇ କ୍ରାଇମବ୍ରାଞ୍ଚ ପଚରାଉଚରା ବେଳେ ରାଜ କୁନ୍ଦ୍ରାଙ୍କ କର୍ମଚାରୀମାନେ କହିଛନ୍ତି ଯେ ଦେଢ଼ବର୍ଷ ମଧ୍ୟରେ ରାଜ କୁନ୍ଦ୍ରା ପର୍ଣ୍ଣ ଭିଡିଓ ଜରିଆରେ ପ୍ରାୟ ୨୫ କୋଟି ଟଙ୍କା ରୋଜଗାର କରିଛନ୍ତି। ସେମାନେ କହିଛନ୍ତି ଯେ ପର୍ଣ୍ଣ ଭିଡିଓ ମାଧ୍ୟମରେ ଅର୍ଜିତ ଟଙ୍କା ପ୍ରଥମେ କାନେରିନ କମ୍ପାନୀକୁ ପଠାଯାଉଥିଲା । ପରେ ଅନ୍ୟ ଉପାୟରେ ରାଜ କୁନ୍ଦ୍ରାକୁ ପଠାଯାଇଥିଲା । କେଉଁ ଉପାୟରେ ଟଙ୍କା ରାଜ କୁନ୍ଦ୍ରାଙ୍କ ପାଖକୁ ଆସୁଥିଲା ପୋଲିସ ବର୍ତ୍ତମାନ ତାହା ଯାଞ୍ଚ କରୁଛି। ସରକାରୀ ସାକ୍ଷୀ ହେବାକୁ ରାଜି ହୋଇଥିବା କର୍ମଚାରୀଙ୍କ ଅନୁଯାୟୀ, ପର୍ଣ୍ଣ ଭିଡିଓରୁ ରୋଜଗାରର ସମସ୍ତ ଦଲିଲ ଏହି ଆଲମାରୀରେ ରଖାଯାଇଥିଲା। ଗେହନା ବଶିଷ୍ଠ ଏବଂ ଉମେଶ କାମତ ଗିରଫ ହେବା ପରେ ସମସ୍ତ ଦସ୍ତାବିଜ ଏହି ଆଲମାରୀରେ ଲୁଚାଇ ଦିଆଯାଇଥିଲା । ଯେପରି ସେ ସବୁ ପୋଲିସ ହାତରେ ନ ପଡେ।
