ଲମତାପୁଟ (ବଡ଼ ଖବର ବ୍ୟୁରୋ): ସିମେଣ୍ଟ ବୋଝେଇ ଟ୍ରକରୁ ୫୦ ଲକ୍ଷ ଟଙ୍କାର ଗଞ୍ଜେଇ ଜବତ। ଅଭିନବ ଉପାୟରେ ସିମେଣ୍ଟ ବୋଝେଇ ଟ୍ରକରେ ଗୁଜରାଟକୁ ଚୋରା ଚାଲାଣ ବେଳେ ମାଡ଼ି ବସିଲା ପୋଲିସ । ନୂଆଁପୁଟ ଗ୍ରାମ ନିକଟରେ ବାହାର ରାଜ୍ୟରୁ ଏକ ଟ୍ରକରେ ଗଞ୍ଜେଇ ଲୋଡ଼ ହେଉଥିବା ଖବର ପାଇଥିଲା ମାଛକୁଣ୍ଡ ପୋଲିସ ।
ଘଟଣାସ୍ଥଳରେ ପହଞ୍ଚି ମାଛକୁଣ୍ଡ, ଯୋଲାପୁଟ, ଲମତାପୁଟ ପୋଲିସ ମିଳିତ ଟିମରେ ଚଢଉ କରିଥିଲେ । ଅନ୍ଧାର ସୁଯୋଗ ନେଇ ମାଫିଆ ଫେରାର ହୋଇଯାଇଥିବାବେଳେ ଟ୍ରକକୁ ଜବତ କରିଥିଲା ପୋଲିସ । ଜବତ ଟ୍ରକରୁ ୧୦୦ ସିମେଣ୍ଟ ବସ୍ତା ସହ ୨୦ ଟି ଗଞ୍ଜେଇ ବସ୍ତା ମିଳିଛି । ଯାହାର ଆନୁମାନିକ ମୂଲ୍ୟ ୫୦ ଲକ୍ଷ ହେବ ।
