ଜେଲରେ ଗ୍ୟାଙ୍ଗଷ୍ଟର ଟିଲୁର ହତ୍ୟା

ନୂଆଦିଲ୍ଲୀ  (ବଡ଼ ଖବର ବ୍ୟୁରୋ): ତିହାର ଜେଲରେ ଗ୍ୟାଙ୍ଗଷ୍ଟର ଟିଲୁର ହତ୍ୟା । ମଙ୍ଗଳବାର ତିହାର ଜେଲରେ ତାଜପୂରିୟା ଓରଫ ସୁନୀଲ ମାନକୁ ହତ୍ୟା କରାଯାଇଛି । ଦିଲ୍ଲୀ ରୋହିଣୀ କୋର୍ଟରେ ଗୁଳିମାଡ଼ ଘଟଣାରେ ତିହାର ଜେଲରେ ଥିଲା ଗ୍ୟାଙ୍ଗଷ୍ଟର ଟିଲୁ । ଜେଲ ଭିତରେ ଥିବା ଟିଲୁଙ୍କ ବିପକ୍ଷ ଗୋଷ୍ଠୀର ଲୋକମାନେ ତାଙ୍କୁ ଲୁହା ରଡରେ ଆକ୍ରମଣ କରିଥିଲେ । ଟିଲୁଙ୍କ ଅବସ୍ଥା ଗୁରୁତର ହେବାରୁ ତାଜପୁରିୟାକୁ ଦିନ ଦୟାଲ ଉପାଧ୍ୟାୟ ହସ୍ପିଟାଲକୁ ନିଆଯାଇଥିଲା।

ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଆକ୍ରମଣକାରୀ ହେଲେ ଯୋଗେଶ ଟୁଣ୍ଡା, ସହଯୋଗୀ ଦୀପକ ତୀତାର, ରିୟାଜ ଖାନ ଓ ରାଜେଶ । ଏଥିରେ ଟିଲୁ ସମେତ ରାଜେଶ ନାମକ କଏଦୀ ଗୁରୁତର ଆହତ ହୋଇଥିଲେ। ଜେଲ ପ୍ରଶାସନ ଉଭୟଙ୍କୁ ଚିକିତ୍ସା ପାଇଁ ଦିନ ଦୟାଲ ଉପାଧ୍ୟାୟ ହସ୍ପିଟାଲରେ ଭର୍ତ୍ତି କରିଥିଲେ।